ନୂଆଦିଲ୍ଲୀ: ଦେଶରେ ଦୁଇ ଲକ୍ଷ ମୁହାଁ ହେଲାଣି ଦୈନିକ କରୋନା କେସ୍ । କାଲି ଦେଢ଼ ଲକ୍ଷ ପାର କରିଥିଲା । ୨୪ ଘଣ୍ଟାରେ ସାରା ଦେଶରୁ ଚିହ୍ନଟ ହୋଇଛନ୍ତି ଆଉ ଲକ୍ଷେ ୭୯ ହଜାର କରୋନା ଆକ୍ରାନ୍ତ । ଗତକାଲି ଅପେକ୍ଷା ସଂକ୍ରମିତଙ୍କ ସଂଖ୍ୟା ୧୨.୬ ପ୍ରତିଶତ ବଢ଼ିଛି । ଆଜି ଦେଶରେ ପଜିଟିଭ୍ ହାର ରହିଛି ୧୩.୨୯ ପ୍ରତିଶତ ।
୫ଟି ରାଜ୍ୟରେ କରୋନା ଗ୍ରାଫ୍ ଉପରମୁହାଁ ହୋଇଛି । ମହାରାଷ୍ଟ୍ରରୁ ସର୍ବାଧିକ ୪୪ହଜାର ୩୮୮, ପଶ୍ଚିମବଙ୍ଗରୁ ୨୪ହଜାର ୨୮୭, ଦିଲ୍ଲୀରୁ ୨୨ହଜାର ୭୫୧, ତାମିଲନାଡୁରୁ ୧୨ହଜାର ୮୯୫ ଓ କର୍ଣ୍ଣାଟକରୁ ଚିହ୍ନଟ ହୋଇଛନ୍ତି ୧୨ହଜାର ଆକ୍ରାନ୍ତ ।
୨୪ ଘଣ୍ଟାରେ କରୋନା ଦେଶରୁ ନେଇଛି ଆଉ ୧୪୬ ଆକ୍ରାନ୍ତଙ୍କ ଜୀବନ । କରୋନା ଜନିତ ମୋଟ୍ ମୃତ୍ୟୁସଂଖ୍ୟା ୪ଲକ୍ଷ ୮୩ହଜାର ୯୩୬କୁ ବୃଦ୍ଧି ପାଇଛି । ଦେଶରେ ଆକ୍ଟିଭ୍ କେସ୍ ସଂଖ୍ୟା ୭ ଲକ୍ଷ ପାର କରିଛି । ବର୍ତ୍ତମାନ ସୁଦ୍ଧା ଦେଶରେ ୭ଲକ୍ଷ ୨୩ ହଜାର କୋଭିଡ୍ ଆକ୍ଟିଭ୍ କେସ୍ ରହିଛି । ଦେଶରେ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ୪ହଜାର ୩୩କୁ ବୃଦ୍ଧି ପାଇଛି ।
Comments are closed.