Latest Odisha News

BREAKING NEWS

ଜର୍ଜ ଫ୍ଲଏଡ଼ ଘଟଣାର ଭାରତୀୟ ସଂସ୍କରଣ: ଅଳ୍ପକେ ବଞ୍ଚିଲେ ପୀଡିତ

କୋଚି: କେରଳ ରାଜ୍ୟରୁ ଜଣେ କଂଗ୍ରେସ କର୍ମୀ ଉପରେ ପୋଲିସ କର୍ମୀଙ୍କ ବର୍ବରତାର ଚିତ୍ର  ସାମ୍ନାକୁ ଆସିଛି ।

ପୀଡିତ ଆଣ୍ଟୋନିଙ୍କ ପ୍ରତି ହୋଇଥିବା ଅମାନୁଷିକ ବ୍ୟବହାରର ଚିତ୍ର ସୋସିଆଲ ମିଡ଼ିଆରେ ଭାଇରାଲ ହୋଇଛି । ସମାଲୋଚନାକାରୀ ଏହି ଘଟଣାକୁ  ଆମେରିକୀୟ ଜର୍ଜ ଫ୍ଲଏଡଙ୍କ ଦୁର୍ଭାଗ୍ୟଜନକ ଘଟଣା ସହ ତୁଳନା କରିଛନ୍ତି ।

ରବିବାର ସନ୍ଧ୍ୟାରେ ଆଣ୍ଟୋନି ଏବଂ ଯୁବ କଂଗ୍ରେସ କର୍ମୀମାନେ କେରଳ ଉଚ୍ଚଶିକ୍ଷା ମନ୍ତ୍ରୀ କେ.ଟି ଜଲିଲଙ୍କ ବିରୋଧରେ କାର୍ଯ୍ୟାନୁଷ୍ଠାନ ତଥା ଇସ୍ତଫା ଦାବି କରିଛନ୍ତି ।

ପୋଲିସ ରାସ୍ତା ପରିଚାଳନା ଆଡ଼ରେ  ବିକ୍ଷୋଭକାରୀଙ୍କୁ ଗୋଡ଼ାଇ ଘଉଡ଼ାଉଥିବା ବେଳେ ଆଣ୍ଟୋନି ତଳେ ପଡ଼ିଯାଇଥିଲେ ଏବଂ ଯେତେବେଳେ ସେ ଉଠିବାକୁ ଚେଷ୍ଟା କଲେ, ସେତେବେଳେ ଜଣେ ପୋଲିସ କର୍ମଚାରୀ ତାଙ୍କୁ ଜାଲିଲଙ୍କ କନଭେନ ପାସ କରିବା ପର୍ଯ୍ୟନ୍ତ ଭୂମିରେ ଦବେଇ ରଖିଥିଲେ। ଏହା ପରେ ଆଣ୍ଟୋନିଙ୍କ ସହକର୍ମୀମାନେ ଘଟଣା ସ୍ଥଳକୁ ଦଉଡ଼ି ଆସି ତାଙ୍କୁ ଉଦ୍ଧାର କରିଥିଲେ।

ରାଜ୍ୟ କଂଗ୍ରେସ ଉପାଧ୍ୟକ୍ଷ ତଥା ଦୁଇଥର ବିଧାୟକ ପିସି ବିଷ୍ଣୁନାଦ କହିଛନ୍ତି ଯେ ଏହି ଘଟଣା କେରଳ ପୋଲିସ ପାଇଁ ଲଜ୍ଜାଜନକ। ବିଷ୍ଣୁନାଦ କହିଛନ୍ତି, “ଆମର ଯୁବ କାର୍ଯ୍ୟକର୍ତ୍ତା ଆଣ୍ଟୋନିଙ୍କ ପ୍ରତି ପୋଲିସର ନିଷ୍ଠୁରତା ଆମେରିକୀୟ ଘଟଣାକୁ ପୁନର୍ବାର ଦୋହରାଇଛି ।”

Comments are closed.