ସ୍ପୋର୍ଟସ ବ୍ୟୁରୋ (ଓଡ଼ିଶା ସମ୍ବାଦ): ଓ୍ୱାର୍ଲଡ ବକ୍ସିଂ ଚାମ୍ପିଅନସିପରେ ଭାରତର ନିକହତ ଜରିନ୍ ଇତିହାସ ରଚିଛନ୍ତି । ଫାଇନାଲ୍ ମୁକାବିଲାରେ ବିଜୟୀ ହେବା ସହ ନିଜ ନାଁରେ ସ୍ୱର୍ଣ୍ଣ ପଦକ କରିଛନ୍ତି । ୫୨ କିଲୋ ବର୍ଗରେ ନିକହତ ଥାଇଲାଣ୍ଡ ପ୍ରତିଦ୍ୱନ୍ଦୀଙ୍କୁ ୫-୦ରେ ହରାଇଥିଲେ । ପୁରା ମ୍ୟାଚରେ ନିକହତଙ୍କ ଦବଦବା ଦେଖିବାକୁ ମିଳିଥିଲା । ପୂର୍ବରୁ ସେମିଫାଇନାଲରେ ୫-୦ରେ ବିଜୟୀ ହୋଇଥିଲେ ନିକହତ ଜରିନ ।
ୱାର୍ଲଡ ବକ୍ସିଂ ଚାମ୍ପିଅନସିପରେ ସ୍ୱର୍ଣ୍ଣ ପଦକ ହାତେଇବାରେ ନିକହତ ହେଉଛନ୍ତି ପଞ୍ଚମ ଭାରତୀୟ ବକ୍ସର । ଭାରତର ବକ୍ସିଂ କୁଇନ୍ ମେରିକମ୍ ବିଶ୍ୱ ଚାମ୍ପିଅନସିପରେ ୬ଥର ଗୋଲ୍ଡ ଜିତି ରେକର୍ଡ କରିଛନ୍ତି । ତାଙ୍କ ବ୍ୟତୀତ ସରିତା ଦେବୀ, ଜେନି ଆରଏଲ୍, ଲେଖା ସି ୱାର୍ଲଡ ଚାମ୍ପିଅନସିପରେ ସ୍ୱର୍ଣ୍ଣ ଜିତିଥିଲେ । ଏବେ ତାଲିକାରେ ଯୋଡ଼ି ହୋଇଛି ୨୫ ବର୍ଷୀୟ ନିକହତଙ୍କ ନାଁ ।
ONE FOR THE HISTORY BOOKS ✍️ 🤩
⚔️@nikhat_zareen continues her golden streak (from Nationals 2021) & becomes the only 5️⃣th 🇮🇳woman boxer to win🥇medal at World Championships🔥
Well done, world champion!🙇🏿♂️🥳@AjaySingh_SG#ibawwchs2022#IstanbulBoxing#PunchMeinHaiDum#Boxing pic.twitter.com/wjs1mSKGVX
— Boxing Federation (@BFI_official) May 19, 2022
ନିକହତ ହେଉଛନ୍ତି ପୂର୍ବତନ ଜୁନିୟର ୟୁଥ୍ ଓ୍ୱାର୍ଲଡ୍ ଚାମ୍ପିଅନ୍ । ସେ ୨୦୨୧ରେ ଜାତୀୟ ବକ୍ସିଂ ଚାମ୍ପିଅନସିପରେ ବି ସ୍ୱର୍ଣ୍ଣ ଜିତିଥିଲେ । ଗତ କିଛି ବର୍ଷ ହେବ ସେ ବକ୍ସିଂରେ ଲଗାତାର ଭଲ ପ୍ରଦର୍ଶନ କରି ଆସୁଛନ୍ତି । ୨୦୧୯ରେ ଏସିଆନ୍ ଚାମ୍ପିଅନସିପରେ ନିକହତ ବ୍ରୋଞ୍ଜ ମେଡାଲ୍ ଜିତିଥିଲେ ।