ନୂଆଦିଲ୍ଲୀ: କରଣ ଜୋହର ତେଲୁଗୁ ଷ୍ଟାର୍ ବିଜୟଙ୍କ ପରବର୍ତ୍ତୀ ଚଳଚ୍ଚିତ୍ର ‘ଲାଇଗର୍ ‘ ହିନ୍ଦୀ ସମେତ ପାଞ୍ଚଟି ଭାଷାରେ ମୁକ୍ତିଲାଭ କରିବ। ଏହାର ପ୍ରଥମ ଲୁକ୍ ସୋମବାର ମୁକ୍ତିଲାଭ କରିଥିଲା।
କରଣ ଜୋହର ସୋସିଆଲ ମିଡିଆ ପୋଷ୍ଟରେ ସେୟାର କରି ଲେଖିଛନ୍ତି- ମୁଁ ଲାଇଗର୍ ଉପସ୍ଥାପନ କରୁଛି। ଯେଉଁଥିରେ ବିଜୟ ଦେବାର୍କୋଣ୍ଡା ଏବଂ ଅନନ୍ୟା ପାଣ୍ଡେ ପ୍ରମୁଖ ଭୂମିକାରେ ଅଭିନୟ କରିଛନ୍ତି। ଯେଉଁମାନେ ବଡ଼ ପରଦାରେ ଦର୍ଶକ ହୃଦୟରେ ରାଜ୍ କରିଆସିଛନ୍ତି। ଏହି ଚଳଚ୍ଚିତ୍ରଟି ପ୍ରତିଭାବାନ ପୁରୀ ଜଗନ୍ନାଥ ନିର୍ଦ୍ଦେଶନା ଦେଇଛନ୍ତି। ହିନ୍ଦୀ, ତେଲୁଗୁ, ତାମିଲ, କନ୍ନଡ ଏବଂ ମାଲାୟାଲମରେ ପାଞ୍ଚଟି ଭାଷାରେ ଏହି କାହାଣୀକୁ ସମଗ୍ର ବିଶ୍ୱରେ ପ୍ରଦର୍ଶିତ କରିବାକୁ ଆମେ ଉତ୍ସାହର ସହିତ ଅପେକ୍ଷା କରିଛୁ।
ଏହି ପୋଷ୍ଟରରେ ବିଜୟଙ୍କୁ ଜଣେ ବକ୍ସର ଭଳି ଆକ୍ରମଣାତ୍ମକ ଶୈଳୀରେ ଚିତ୍ରଣ କରାଯାଇଛି। ପୃଷ୍ଠଭୂମିରେ ସିଂହ ଏବଂ ବାଘର ଅଧା ଚେହେରା ରହିଛି। ବାସ୍ତବରେ, ସିଂହ ଏବଂ ବାଘର ମିଶ୍ରଣରୁ ନିର୍ମିତ ନୂତନ ପ୍ରଜାତିକୁ ଲାଇଗର୍ କୁହାଯାଏ। ସେଥିପାଇଁ ଏହା ପୋଷ୍ଟରରେ ଟାଇଟଲ୍ ତଳେ ଲେଖାଯାଇଛି- ସାଲା କ୍ରସବ୍ରିଡ୍।