ପୁଣି ପୁତ୍ର ସନ୍ତାନର ବାପା-ମାଆ ହେଲେ ସୈଫିନା

ମୁମ୍ୱାଇ: ପଟ୍ଟୌଦୀ ପରିବାରର ନୂଆ ସଦସ୍ୟ । ସୈଫିନା ଫ୍ୟାନଙ୍କ ପାଇଁ ଖୁସି ଖବର । ପୁଣି ପୁତ୍ର ସନ୍ତାନର ବାପା-ମାଆ ହୋଇଛନ୍ତି ବଲିଉଡର ଦୁଇ ଷ୍ଟାର ସୈଫ ଅଲ୍ଲୀ ଖାନ୍ ଓ କରୀନା କପୁର । ଆଜି ବେବି ବୟକୁ ଜନ୍ମ ଦେଇଛନ୍ତି ବେବୋ । ଭୋରରୁ କରୀନାଙ୍କୁ ମୁମ୍ୱାଇ ବିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଥିଲା । ଦ୍ୱିତୀୟ ସନ୍ତାନର ବାପା-ମାଆ ହୋଇଛନ୍ତି ସୈଫ ଓ କରୀନା । ସେମାନଙ୍କ ଚାରି ବର୍ଷର ପୁଅ ତୈମୁର ଖାନ୍ ଅଲ୍ଲୀ । ଏବେ ତୈମୁରକୁ ସାନ ଭାଇ ମିଳିଛି । ଗତବର୍ଷ ଅଗଷ୍ଟ ମାସରେ କରିନା ଗର୍ଭବତୀ ଥିବା ସୂଚନା ଦେଇଥିଲେ । ଏବେ ନୂଆ ସଦସ୍ୟଙ୍କୁ ସ୍ୱାଗତ କରିଛି ପଟ୍ଟୌଦୀ ଫ୍ୟାମିଲି ।