ବୁରହାନପୁର: ଭାରତରେ ଏବେ ଆଜାଦୀର ଅମୃତ ମହୋତ୍ସବ ପାଳନ କରାଯାଉଛି । ୧୧ ଅଗଷ୍ଟରୁ ହର ଘର ତ୍ରିରଙ୍ଗା ଅଭିଯାନ ଆରମ୍ଭ ହେବ । ତେବେ ମଧ୍ୟପ୍ରଦେଶର ବୁରହାନପୁରରେ ଏପରି ଏକ ପରିବାର ଅଛି ଯାହାର ସଦସ୍ୟ ପ୍ରତ୍ୟେକ ଦିନ ସମ୍ମାନର ସହ ଜାତୀୟ ପତାକା ଉତୋଳନ କରିଥାନ୍ତି । ୭ ବର୍ଷ ହେବ ସେମାନେ ଏହି କାର୍ଯ୍ୟ ଜାରୀ ରଖିଛନ୍ତି ଏବଂ ଏହା ଏକପ୍ରକାର ତାଙ୍କର ପରିଚୟ ମଧ୍ୟ ସାଜିଛି । ତେଜସ କୃଷ୍ଣକାନ୍ତ ଶାହା ସେନାରେ ଭର୍ତି ହେବା ପାଇଁ ଆପ୍ରାଣ ଉଦ୍ୟମ କରିଥିଲେ । ମାତ୍ର କୌଣସି କାରଣ ବଶତଃ ସେ ସାମିଲ ହୋଇପାରି ନ ଥିଲେ । ସେ କିନ୍ତୁ ସେନା ଏବଂ ଦେଶର ସମ୍ମାନ ପାଇଁ ଏହି ପଦକ୍ଷେପ ଗ୍ରହଣ କରିଥିଲେ । ପ୍ରତ୍ୟେକ ଦିନ ଜାତୀୟ ସଙ୍ଗୀତ ସହ ଧ୍ୱଜାରୋହଣ କରାଯାଏ । ସେହିପରି ସୂର୍ଯ୍ୟାସ୍ତର ୧୦ ମିନିଟ ପୂର୍ବରୁ ଧ୍ୱଜାଅବତରଣ କରାଯାଇଥାଏ । ପ୍ରଥମେ ସ୍ଥାନୀୟ ଲୋକେ କହିଥିଲେ ଏହା ବେଶୀ ଦିନ ତିଷ୍ଠିବ ନାହିଁ । ମାତ୍ର କୃଷ୍ଣକାନ୍ତଙ୍କ କହିବା ଅନୁସାରେ ମୁଁ ବଂଚିଥିବା ପର୍ଯ୍ୟନ୍ତ ଏହି କାର୍ଯ୍ୟ କରି ଚାଲିଥିବି । ତାଙ୍କ ମାଆ ଏବଂ ଭାଇ ଏଥିରେ ତାଙ୍କୁ ସହଯୋଗ କରିଥାନ୍ତି । ଦୁଇ ଭାଇଙ୍କ ଅନୁପସ୍ଥିତିରେ ତାଙ୍କ ମାଆ ଏହି କାର୍ଯ୍ୟ କରିଥାନ୍ତି ।
Comments are closed.