କପିଲ ଶର୍ମା ଶୋ’କୁ ଫେରିଲେ ‘ସପନା ଦିଦି’

ମୁମ୍ବାଇ: ଛୋଟ ପରଦାର ସବୁଠାରୁ ବେଶୀ ଲୋକପ୍ରିୟ ଶୋ’ ‘ଦି କପିଲ ଶର୍ମା ଶୋ’ କିଛି ଦିନ ହେବ ଚର୍ଚ୍ଚାରେ ରହିଆସିଛି । କିଛି ଦିନ ପୂର୍ବରୁ ଏହି ଶୋ ଜୁନ୍ ମାସରେ ବନ୍ଦ ହେବାକୁ ଯାଉଛି ବୋଲି ଆଲୋଚନା ହୋଇଥିଲା । କପିଲ ନିଜେ ଏହି ଗୁଜବ ଉପରେ ସ୍ପଷ୍ଟ କରିଥିଲେ ଯେ ଏପର୍ଯ୍ୟନ୍ତ ଏ ନେଇ କିଛି ଚୂଡାନ୍ତ ହୋଇନାହିଁ । ଏବେ ଶୋକୁ ସପନା ଦିଦି ବା କୃଷ୍ଣ ଅଭିଶେଷ ପୁର୍ନବାର ଫେରିଛନ୍ତି ,ଯାହାକୁ ନେଇ ଲୋକେ ବହୁତ ଉତ୍ସାହିତ ଅଛନ୍ତି । କପିଲ ଓ କୃଷ୍ଣଙ୍କ ମଧ୍ୟରେ ମନୋମାଳିନ ଯୋଗୁ ସେ ଗତ ସେପ୍ଟେମ୍ବରରେ ଶୋ ଛାଡ଼ି ଚାଲିଯାଇଥିଲେ । ଏବେ ସେ ପୁଣି ଥରେ ସପନା ଦିଦି ଭାବେ ଖୁବଶୀଘ୍ର ଶୋକୁ ଫେରିଛନ୍ତି ।
ଏହି ଖବର ଭାଇରାଲ ହେବା ମାତ୍ରେ କୃଷ୍ଣଙ୍କ ପ୍ରଶଂସକମାନେ ଆନନ୍ଦିତ ହୋଇଛନ୍ତି । କୃଷ୍ଣ କହିଛନ୍ତି ଯେ, ଶୋ ଛାଡ଼ି ଚାଲିଯିବା ଠିକ୍ ହୋଇ ନ ଥିଲା । କାରଣ ପ୍ରଶଂସକମାନେ ମୋର ଅଭିନୟକୁ ବହୁତ ପସନ୍ଦ କରୁଥିଲେ । ଫିକୁ ନେଇ କିଛି ବିବାଦ ଦେଖାଦେଇଥିଲା । ଏବେ ଏହା ସମାଧାନ ହୋଇଯାଇଛି । ୨୪ ତାରିଖରୁ ସୁଟିଂ ବି ଆରମ୍ଭ କରିଛି ବୋଲି କହିଛନ୍ତି ।