ରାଉରକେଲା: ଟୋକିଓ ଅଲିମ୍ପିକ୍ସ ଆଉ କେତୋଟି ହାତ ଗଣତି ଦିନ ପରେ ଆରମ୍ଭ ହୋଇଯିବ । ଭାରତ ପୁରୁଷ ହକି ଦଳଠାରୁ ପଦକ ଆଶାରେ ରହିଛନ୍ତି କ୍ରୀଡାପ୍ରେମୀ । ତେବେ ଦଳରେ ଅଭିଜ୍ଞ ଖେଳାଳିଙ୍କ ଅଭାବ ନେଇ ଚିନ୍ତା ବ୍ୟକ୍ତ କରିଛନ୍ତି ପୂର୍ବତନ ଅଲିମ୍ପିଆନ ତଥା ଓଡିଶାର ମହାନ ହକି ଖେଳାଳି ଲାଜରୁସ ବାର୍ଲା । ବିଶ୍ୱର ୪ନମ୍ବର ସ୍ଥାନରେ ଥିବା ଭାରତୀୟଠାରୁ ଏଥର ଅଧିକ ଆଶା ରହିଛି ବୋଲି ସେ କହିଛନ୍ତି । ଦଳରେ ୧୦ ଖେଳାଳି କ୍ୟାରିୟରରେ ପ୍ରଥମ ଥର ପାଇଁ ଅଲିମ୍ପିକ ଖେଳିବାକୁ ଯାଉଛନ୍ତି । ସେମାନେ ଫିଟ ଏବଂ ମନୋବଳ ଉଚ୍ଚରେ ଥିଲେ ମଧ୍ୟ ସିନିୟର ଖେଳାଳିଙ୍କ ଅଭାବ ନିଶ୍ଚିତ ଭାବେ ଗୁରୁତ୍ୱପୂର୍ଣ୍ଣ ସମୟରେ ପରିଲକ୍ଷିତ ହେବ । ବର୍ତମାନ ଦେଖିବା କଥା ଚାପଭରା ପରିସ୍ଥିତିରେ ସେମାନେ କିପରି ପ୍ରଦର୍ଶନ କରୁଛନ୍ତି । ସେମାନଙ୍କ ଭଲ ପ୍ରଦର୍ଶନ ନେଇ ଆଗୁଆ ଶୁଭେଚ୍ଛା ଜଣାଉଛି ବୋଲି ୨୦୦୦ ସିଡନୀ ଅଲିମ୍ପିକ୍ସ ଖେଳିଥିବା ଲାଜରୁସ କହିଛନ୍ତି । ଲଲିତ ଉପାଧ୍ୟୟ ଓ ମନଦୀପ ସିଂଙ୍କ ବ୍ୟତୀତ ଅନ୍ୟ ସମସ୍ତେ ଯୁବ ଖେଳାଳି । ଅବଶ୍ୟ ଚୟନ କମିଟି ଭାବି ଚିନ୍ତି ପଦକ୍ଷେପ ଗ୍ରହଣ କରିଥିବ ବୋଲି ମୋର ଆଶା । ଏହି ଅବସରରେ ସେ ମହିଳା ହକି ଟିମ ଶୃଙ୍ଖଳିତ ଏବଂ ସମନ୍ୱିତ ରହିଛି ବୋଲି ସେ କହିଛନ୍ତି । ଦୀପଗ୍ରେସ ଏକ୍କାଙ୍କ ଉପସ୍ଥିତି ଦଳକୁ ଫାଇଦାରେ ରଖିବ । ତେବେ ନମିତା ଟପ୍ପୋ ଏବଂ ଲିଲିମା ମିଞ୍ଜଙ୍କୁ କାହିଁକି ଚୟନ କରା ନ ଗଲା ତାହା ବୁଝା ପଡୁନି ।ହକି ଇଣ୍ଡିଆ କାହିଁକି ବୀରେନ୍ଦ୍ର ଲାକ୍ରା ଏବଂ ଦୀପଗ୍ରେସ ନାମ ଅର୍ଜୁନ ପୁରସ୍କାର ପାଇଁ ପଠାଇଲା ନାହିଁ ସେ ନେଇ ପ୍ରଶ୍ନ ଉଠାଇଛନ୍ତି ଲାଜରୁସ । ଦୀପଗ୍ରେସ ଏବଂ ବୀରେନ୍ଦ୍ର ଜାତୀୟ ଦଳର ଉପ ଅଧିନାୟକ ଦାୟିତ୍ୱ ତୁଲାଇବା ନିଶ୍ଚିତ ଭାବେ ଗର୍ବର ବିଷୟ ବୋଲି କହିଛନ୍ତି । ପୁରସ୍କାର ପାଇଁ ଚୟନ ଏବଂ ଦଳ ବାଛିବା ନେଇ କେଉଁଠାରେ ତ୍ରୁଟି ରହିଯାଉଛି ବୋଲି ପୂର୍ବତନ ଅଲିମ୍ପିଆନ ଜଣଙ୍କ କହିଛନ୍ତି । ଏ ନେଇ ସେ ଆକାଶଦୀପ ସିଂଙ୍କ ଉଦାହରଣ ଦେଇଛନ୍ତି । ଗତ ବର୍ଷ ଅର୍ଜୁନ ପୁରସ୍କାର ପାଇଥିବା ଖେଳାଳି ଏଥର ଟୋକିଓ ଅଲିମ୍ପିକ୍ସ ଦଳରେ ସ୍ଥାନ ପାଉନି । ଏ ସବୁ ସତ୍ୱେ ଭାରତର ଭଲ ପ୍ରଦର୍ଶନ ନେଇ ସେ ଦୃଢ଼ ଆଶା ପୋଷଣ କରିଛନ୍ତି ।
BREAKING NEWS
- ତାତିରେ ଲାଗିଲା ବ୍ରେକ୍; ୩୫ ଡିଗ୍ରୀ ତଳେ ରାଜ୍ୟରେ ୨୦ ସହର
- ଷ୍ଟେଜରେ ନଖ କାଟିଲେ ଅରିଜିତ ସିଂ
- ନାମାଙ୍କନ ପତ୍ର ଦାଖଲ କଲେ ଡ଼ା.ରାଜଶ୍ରୀ ମଲ୍ଲିକ ଓ ରମାକାନ୍ତ ଭୋଇ
- ହାତ ଛାଡ଼ିଲେ ପୂର୍ବତନ ବିଧାୟକ ଚିତ୍ତରଞ୍ଜନ ଷଡ଼ଙ୍ଗୀ, ବାଲେଶ୍ବର ସାଂସଦ ପ୍ରାର୍ଥୀ ଭାବେ ଲଢ଼ିବାକୁ ଘୋଷଣା
- ଗ୍ରାଉଣ୍ଡସମ୍ୟାନଙ୍କ ବେକକୁ ଧରିଲେ ଶାକିବ ଉଲ ହାସନ
- ସୌମ୍ୟ ବଦଳାଇବେ ଘସିପୁରା ଗେମ୍ !
- ମ୍ୟାଚ ଖେଳିବା ପୂର୍ବରୁ ଔଷଧ ଖାଉଛନ୍ତି ଧୋନୀ
- ବଳ ଗୋଟାଉଛି କଂଗ୍ରେସ; ଦଳରେ ମିଶିଲେ ସ୍ୱର୍ଗତଃ ଅକ୍ଷୟ ମହାନ୍ତିଙ୍କ ପୁଅ ଚିତ୍ରଭାନୁ ଓ ବିଭିନ୍ନ ଦଳର ବହୁ କର୍ମୀ
- ନିର୍ବାଚନୀ ମୈଦାନରେ ମୁହାଁମୁହିଁ ହେବେ ସ୍ୱାମୀ-ସ୍ତ୍ରୀ; ରୁଦ୍ର ମହାରଥୀଙ୍କ ବିରୋଧରେ ଲଢିବେ ପତ୍ନୀ ଜାଗୃତି
- ଦୀର୍ଘ ୨୫ ବର୍ଷର ଟ୍ୟୁମରକୁ ୧୦ ଘଣ୍ଟାର ଜଟିଳ ଅପରେସନ୍ ପରେ ବାହାର କଲେ ଏମ୍ସ ଡାକ୍ତର