ପଞ୍ଜାବ: ପଞ୍ଜାବରେ ଚାଲିଛି ଅବାଧ ବାଘ ଶିକାର । ମଙ୍ଗଳବାର ରୁପନଗର ଜିଲ୍ଲା ନିକଟସ୍ଥ ଜଙ୍ଗଲରୁ ଏକ ୫ ବର୍ଷୀୟ କଲରାପତରିଆ ଛୁଆର ମୃତଦେହ ମିଳିଛି । ବାଘଟି ଗୁଳିର ଶିକାର ହୋଇଛି । ତେବେ ବାଘକୁ ପେଶାଦାର ଶିକାରୀ ଗୁଳି ମାରିଛି କି ଆଉ କିଏ ତାହା ସ୍ପଷ୍ଟ କରିଛନ୍ତି ଡିଏଫଓ କୁଲରାଜ ସିଂ ।
ତାଙ୍କ କହିବାନୁସାରେ, ପେଶାଦାର ଶିକାରୀ ଗୁଳି ଚଳାଇ ନାହାଁନ୍ତି । କୌଣସି ବ୍ୟକ୍ତି ବାଘ ଛୁଆକୁ କାବୁ କରିବାକୁ ଗୁଳି ଚଳାଇଥିବେ । କିନ୍ତୁ କୌଶଳକ୍ରମେ ଖସିପଳାଇ ଜଙ୍ଗଲରେ ଆତ୍ମଗୋପନ କରିଛି । ପରେ ବାଘର ମୃତ୍ୟୁ ହୋଇଛି । କଲରାପତରିଆ ବାଘର ପୋଷ୍ଟମର୍ଟମ ହୋଇଛି । ମୃତଦେହରୁ ଗୁଳି ବାହାର କରାଯାଇଛି । ଏକ ମାମଲା ରୁଜୁ କରିବା ସହିତ ତଦନ୍ତ ଆରମ୍ଭ ହୋଇଥିବା ଡିଏଫଓ କହିଛନ୍ତି ।
ଏହା ପୂର୍ବରୁ ମଧ୍ୟ ଏକ ୬ ମାସର ବାଘ ଛୁଆର ଶବକୁ ନିକୁ ନଙ୍ଗଲ ଟାଉନସିପ୍ ଠାରେ ଉଦ୍ଧାର କରାଯାଇଥିଲା । ଏଥିରୁ ବୁଝାପଡୁଛିଯେ, ବାଘ ଛୁଆ ଜନବସତିମୁହାଁ ହେଉଛନ୍ତି । ସେମାନଙ୍କୁ ଦେଖି ଲୋକେ ଗୁଳି ଚଳାଉଛନ୍ତି । ତେବେ ବନବିଭାଗ ସହିତ ପୋଲିସ ପ୍ରଶାସନ ପାଇଁ ବି ଏହି ଦୁଇ ଘଟଣା ଚିନ୍ତାର କାରଣ ହୋଇଛି ।
Comments are closed.