ପ୍ରଫୁଲ୍ଲ କୁମାର ତ୍ରିପାଠୀଙ୍କ ନିୟମିତ ବିଭାଗ ‘ଭାଷା ଭାଗବତ’
ଅନ୍ନ ଖାଉଛୁଁ ପ୍ରତିଦିନ
ବର୍ଷକେ ଦିନଟେ ସମ୍ମାନ
ଜଣାଇ ଉତ୍ସବ ପାଳନ
କରିବା ଶୁଦ୍ଧ ଅପମାନ
ଯେ ଯାହା ନିଅଂତି ନିଷ୍ପତ୍ତି
କେହି ନ ଭାବି ଅବା ଚିଂତି
ଯେହେତୁ ମାନିନେଉଥାଂତି
ଦୁର୍ବଳ ହୁଏ ବ୍ୟକ୍ତି, ଜାତି
ନାନାଦି ଉତ୍ସବ ପାଳନ
କରି ଏଠାରେ ଜନଗଣ
ବଳ ଓ ବେଳ ଦେଇ ସାରି
ଯାଆଂତି ବାରଂବାର ହାରି
ପାରଂପରିକ କୃଷି ନାଶି
ଯିଏ ବି ହୋଇଥାଂତି ଖୁସି
ତାଂକର ବୋଲକରା ଗୁଣ
କରୁଛି ଚିଂତନ ହନନ
ଅନୁଭୂତିରୁ ନେଇ ଶିକ୍ଷା
କରିବ କିଏ ନୀତି ରକ୍ଷା ?
ଏଠି କାହାକୁ ଜଣା ନାହିଁ
ଏମିତି ରହିଥାଂତି ଜିଇଁ
ଭାଷା, ସଂସ୍କୃତି, ପରଂପରା
ସବୁ ହେବାରୁ ଦରମରା
ହେଉଛି ଯେତେ ଅବ୍ୟବସ୍ଥା
ତା ଯୋଗୁଁ ନଷ୍ଟ ହୁଏ ଆସ୍ଥା
