ପ୍ରଫୁଲ୍ଲ କୁମାର ତ୍ରିପାଠୀ ଙ୍କ ନିୟମିତ ବିଭାଗ ‘ଭାଷା ଭାଗବତ’
ବିବ୍ରତ ନ ହୋଇଲେ, ବ୍ରତ
ସୁଫଳ ଦିଅଇ ବହୁତ
ଅଂତତଃ ବ୍ୟବସାୟୀ କୁଳ
ଠୁଳ କରଂତି ଧନବଳ
ସାବିତ୍ରୀ, ରଜ ଦୁଇ ହାଟ
ବସିଲେ ଶୁଭଇ କୁହାଟ :
‘ଯେତେ ସଂଭବ କିଣି ନିଅ
ଦିନକ ପାଇଁ ଦାନୀ ହୁଅ
ଫଳର ମୂଲ୍ୟ ନ ପଚାରି
ସବୁକୁ ନିଅ ଥଳି ଭରି
ନ ହେଲେ ବରଷକୁ ଥରେ
ଶାଂତି ରହିବନାହିଁ ଘରେ’
ଏପରି ଭାଷାର କୁହୁକ
ବରମାନଂକୁ କରେ ମୂକ
ଏ ଆମ ପ୍ରଥା, ପରଂପରା
ଅଲୋଡ଼ା ଟାହି କି ଟାପରା
ବିଶ୍ବାସ ଯୋଗୁଁ ଯାହା ଚଳେ
ଜ୍ଞାନ, ବିଜ୍ଞାନ ସୁଦ୍ଧା ଟଳେ
ଯେତେକ ବ୍ରତ, ଉପବାସ
ନୁହେ କାହାକୁ ଉପହାସ
