ମୁମ୍ବାଇ: ଦେଶର ଅଗ୍ରଣୀ ଗାଡି ନିର୍ମାତା ମହିନ୍ଦ୍ରା ସ୍ୱାଧିନତା ଦିବସରେ ଲଂଚ କରିବ ଥାର୍ର ନୂଆ ଭର୍ସନ୍ । ଟେକ୍ନୋଲଜି, କମ୍ଫର୍ଟ ଓ ସେଫ୍ଟି ଫିଚର୍ସରେ ପରିବର୍ତ୍ତନ କରାଯାଇ ଏହି ଗାଡିକୁ ବଜାରରେ ପ୍ରବେଶ କରାଯିବ । ତେବେ ଅଫରୋଡ୍ କ୍ଷମତା ଓ ଆଇକନିକ୍ ଡିଜାଇନ୍ରେ ଏତେଟା ପରିବର୍ତ୍ତନ ହୋଇନାହିଁ ।
The wait is over. This Independence Day, witness the Thar being born again in an all-new avatar! Save the date: 15th August 2020. Watch the teaser now! https://t.co/D1Imzbae1K #AllNewThar #BornAgain pic.twitter.com/vSXlm9VmHK
— Mahindra Thar (@Mahindra_Thar) August 5, 2020
ଗ୍ରାହକଙ୍କ ଚାହିଦାକୁ ଦେଖି ଖାସ କରି ଗାଡିରେ ଆରାମଦାୟକ ସୁବିଧାକୁ ପ୍ରାଧାନ୍ୟତା ଦିଆଯାଇଛି । ଏହି ଗାଡିକୁ ଯେପରି ସମସ୍ତ ବର୍ଗର ଲୋକେ ପସନ୍ଦ କରିବେ, ସେ ନେଇ ସାମାନ୍ୟ ମୋଡିଫିକେସନ୍ ମଧ୍ୟ ହୋଇଛି । ତାଜା ସ୍ଥିତିରେ ମାର୍କେଟ୍ରେ ଉପଲବ୍ଧ ଥାର୍ ଗାଡିର ଦିଲ୍ଲୀ ଏକ୍ସ ସୋ-ରୁମ୍ ମୂଲ୍ୟ ୯.୭ ଲକ୍ଷରୁ ୯.୯୯ ଲକ୍ଷ ରହିଛି । ତେବେ ନୂଆ ଭର୍ସନର ଦାମ୍ ଏ ଯାଏଁ ସାମ୍ନାକୁ ଆସିନି ।
୨୦୧୦ରେ ମହିନ୍ଦ୍ରା କ୍ଲାସିକ୍ ମଡେଲ ବନ୍ଦ ହେବା ପରେ ଥାର୍ ବଜାରକୁ ଓହ୍ଲାଇଥିଲା । ସେବେଠୁ ଏହି ଗାଡି ନିଜର ସଫଳତମ ଯାତ୍ରା ବଜାୟ ରଖିଛି । ତେବେ ଅଗଷ୍ଟ ୧୫’ରେ ଲଂଚ ହେବାକୁ ଥିବା ଥାର୍ର ନୂଆ ଭର୍ସନ୍ ବି ଭାରତୀୟ ଗ୍ରହକଙ୍କୁ ଆକର୍ଷିତ କରିବ ବୋଲି କମ୍ପାନୀ ଆଶା ରଖିଛି ।