ମୁମ୍ବାଇ: ଫିଲ୍ମର ଟାଇଟଲ୍ ରହିଛି “ସାଇଲେନ୍ସ” । ପ୍ରଥମ ଥର ପାଇଁ ପ୍ରମୁଖ ଭୂମିକାରେ ଏକାଠି ଅଭିନୟ କରିବେ ମନୋଜ ବାଜପାୟୀ, ପ୍ରାଚୀ ଦେଶାଇ ଓ ଅର୍ଜୁନ ମାଥୁର । ତା ଛଡା ଅନ୍ୟ ସପୋର୍ଟିଂ ରୋଲ୍ରେ ନଜର ଆସିବେ ସାହିଲ୍ ବୈଦ, ୱକାର୍ ସେଖ୍ ଓ ଶିଶିର ଶର୍ମା । ସେହିଭଳି ଫିଲ୍ମର କାହାଣୀ ଓ ନିର୍ଦ୍ଦେଶନା ଭାର ସମ୍ଭାଳିଛନ୍ତି ଅବାନ୍ ଭରୁଚା ଦେଓହଂସ ।
ଅନେକଙ୍କ ପାଇଁ ଅର୍ଜୁନଙ୍କ ଚେହେରା ବୋଧ ହୁଏ ନୂଆ ହୋଇଥାଇପାରେ । ହେଲେ ୱେବ୍ ସିରିଜ୍ “ମେଡି ଇନ୍ ହେଭେନ୍”ରେ “ଗେ” କିର୍ଦାରରେ ଅଭିନୟ କରି ଅର୍ଜୁନ ଚର୍ଚ୍ଚାକୁ ଆସିଥିଲେ । ଶେଷଥର ପାଇଁ ଏହି ଅଭିନେତାଙ୍କୁ ସସ୍ପେନ୍ସ ଥ୍ରିଲର୍ ସିରିଜ୍ ଦ ଗୋନ୍ ଗେମ୍ରେ ଦେଖିବାକୁ ମିଳିଥିଲା ।
ଫିଲ୍ମ ସାଇଲେନ୍ସରେ ସେ ପ୍ରଥମ ଥର ପାଇଁ ମନୋଜ ବାଜପାୟୀଙ୍କ ସହ ଅଭିନୟ କରିବେ । ଏ ନେଇ ଅର୍ଜୁନ୍ ସୋସିଆଲ୍ ମିଡିଆରେ ଏକ ପେପର୍ କଟିଂ ସେୟାର କରି ଦର୍ଶକଙ୍କୁ ସଙ୍କେତ ଦେଇଥିଲେ । ମିଳିଥିବା ରିପୋର୍ଟ ଅନୁଯାୟୀ ଫିଲ୍ମ ସାଇଲେନ୍ସ ସସ୍ପେନ୍ସ ଥ୍ରିଲର୍ ଥିମ ଉପରେ ଆଧାରିତ । ଡିସେମ୍ବର ୧୨’ରେ ଏହାର ସୁଟିଂ ଆରମ୍ଭ ହେବାକୁ ଥିବାବେଳେ ୨୦୨୧ରେ ରିଲିଜ୍ ହେବାର ସମ୍ଭାବନା ରହିଛି ।
Comments are closed.