ମୁମ୍ବାଇ: ମୁମ୍ବାଇ ଅନ୍ତର୍ଗତ ଉରାନ୍ ଅଞ୍ଚଳସ୍ଥିତ ଅଏଲ୍ ଆଣ୍ଡ ନେଚୁରାଲ୍ ଗ୍ୟାସ୍ (ଓଏନଜିସି) ପ୍ଲାଣ୍ଟର ଶୀତଳ ଭଣ୍ଡାରରେ ମଙ୍ଗଳବାର ଦିନ ଅଗ୍ନିକାଣ୍ଡ ଘଟିବାରୁ ପ୍ରାୟ ୭ ଜଣଙ୍କର ମୃତ୍ୟୁ ହୋଇଥିବାବେଳେ ୨ ଜଣ ଆହତ ହୋଇଛନ୍ତି ।
ଏନେଇ ଏକ ଜାତୀୟ ଗଣମାଧ୍ୟମ ରିପୋର୍ଟରୁ ଜଣାପଡିଛି ।
#UPDATE ONGC: Fire that broke out in storm water drainage in Uran Plant of Navi Mumbai today morning, has been successfully doused by fire-fighting team. #Maharashtra https://t.co/NwUhKVVB1r
— ANI (@ANI) September 3, 2019
ମିଳିଥିବା ସୂଚନାନୁଯାୟୀ ଏହି ଅଗ୍ନିକାଣ୍ଡ ପରେ ପ୍ଲାଣ୍ଟକୁ ଆସୁଥିବା ଏଲପିଜି ଗ୍ୟାସକୁ ଗୁଜୁରାଟର ହାଜିରା ପ୍ଲାଣ୍ଟକୁ ସ୍ଥାନାନ୍ତର କରାଯାଇଛି । ଅପରପକ୍ଷରେ ନିଆଁ ଚାରିଆଡକୁ ବ୍ୟାପୁଥିବା ବେଳେ ପ୍ଲାଣ୍ଟର ପ୍ରାୟ ୧ କିମି. ମଧ୍ୟରେ ଥିବା ସ୍ଥାନ ଗୁଡକିୁ ପୋଲିସ ପକ୍ଷରୁ ସିଲ୍ କରିଦିଆଯାଇଛି ।
ଅନ୍ୟପକ୍ଷରେ ଖବର ପାଇ ସ୍ଥାନୀୟ ପୋଲିସ ଓ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ପ୍ରାୟ ୨ ଘଣ୍ଟାର କସରତ ପରେ ନିଆଁକୁ ଆୟତ୍ତ କରିଥିଲେ। ପରେ ଆହତମାନଙ୍କ ଉଦ୍ଧାର କରାଯାଇ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଥିବା ନେଇ ପୋଲିସ ପକ୍ଷରୁ ସୂଚନା ମିଳିଛି ।