ଭୁବନେଶ୍ୱର : ରାଜ୍ୟର ବନ୍ୟା ସ୍ଥିତିର ସମୀକ୍ଷା କରିଛନ୍ତି ଜଳ ସମ୍ପଦ ବିଭାଗ ମନ୍ତ୍ରୀ ଟୁକୁନି ସାହୁ । ଆଜି ଦିନ ୧୧ଟାରେ ଏହି ସମୀକ୍ଷା ବୈଠକ ବସିଥିଲା । ରାଜ୍ୟରେ ଦେଖାଦେଇଥିବା ବନ୍ୟା ସ୍ଥିତିକୁ ନେଇ ଆକ୍ସନକୁ ଆସିଛି ରାଜ୍ୟ ସରକାର । ରବିବାର ଏନେଇ ସମୀକ୍ଷା ବୈଠକ କରିଥିଲେ ଜଳସଂପଦ ମନ୍ତ୍ରୀ । ଏହାପରେ ଆଜି ପୁଣି ଥରେ ସମୀକ୍ଷା ବୈଠକ ବସିଛି । ଦିନ ୧୧ଟାରେ ବସିଥିବା ଏହି ବୈଠକରେ ଜଳସଂପଦ ବିଭାଗର ସମସ୍ତ ବରିଷ୍ଠ ଅଧିକାରୀ ଉପସ୍ଥିତ ଥିଲେ ।
ଉତ୍ତର ଓଡିଶାର ପ୍ରବଳ ବର୍ଷା ହୋଇଥିବାରୁ ସୁବର୍ଣ୍ଣରେଖା, ବୁଢ଼ାବଳଙ୍ଗ , ବୈତରଣୀ ଓ ବ୍ରାହ୍ମଣୀ ନଦୀ ରେ ବନ୍ୟା ସ୍ଥିତି ଦେଖାଯାଇଛି । ଏହି ନଦୀରେ ବନ୍ୟା ସ୍ଥିତିର ନିୟନ୍ତ୍ରଣ ପାଇଁ ବିଭାଗ ତରଫରୁ ପଦକ୍ଷେପ ନିଆଯିବା ନେଇ ବୈଠକରେ ଆଲୋଚନା ହୋଇଥିବାର ମନ୍ତ୍ରୀ ସୂଚନା ଦେଇଛନ୍ତି ।
ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଜିରୋ କାଜୁଆଲଟି କୁ ଗୁରୁତ୍ୱ ଦିଆଯାଉଛି । ପ୍ରତ୍ୟକ ଜୀବନ ମୁଲ୍ୟବାନକୁ ଗୁରୁତ୍ୟ ଦେଇ ବରିଷ୍ଠ ଯନ୍ତ୍ରୀମାନେ ତଦାରଖ କରୁଛନ୍ତି । ସୁବର୍ଣ୍ଣରେଖାରେ ୮ ଘଣ୍ଟା ଧରି ବନ୍ୟା ଜଳ ସ୍ଥିର ଅଛି । କୌଣସି ଘାଇ ହେବାର ସମ୍ଭାବନା ନାହିଁ । ବାଲିଆପାଳ , ଭୋଗରାଇ , ବସ୍ତାର ତଳିଆ ଅଞ୍ଚଳରେ ଲୋକମାନେ ଜଳବନ୍ଦୀରେ ଅଛନ୍ତି । ବୈତରଣୀରେ ଜଳ ସ୍ତର କମିଛି । ଗ୍ରାଉଣ୍ଡରେ ବରିଷ୍ଠ ଅଧିକାରି ମାନେ ତଦାରଖ କରିବା ସହ ନାଇଟ ପେଟ୍ରୋଲିଙ୍ଗ କରାଯାଉଛି । ବନ୍ୟା ସ୍ଥିତିକୁ ମୁକାବିଲା ପାଇଁ ଜଳସଂପଦ ବିଭାଗ ପ୍ରସ୍ତୁତ ଥିବାର ସୂଚନା ଦେଇଛନ୍ତି ମନ୍ତ୍ରୀ ଟୁକୁନି ସାହୁ ।
