ସିରିଆରେ ୫ ଦିନ ପରେ ଧ୍ୱଂସସ୍ତୁପ ତଳୁ ଉଦ୍ଧାର ହେଲେ ପୂରା ପରିବାର, ତୁର୍କୀରେ ମାଟି ତଳେ ହସୁଥିଲା ନବଜାତ ଶିଶୁ

ଇଦଲିବ: ସିରିଆ ତୁର୍କୀର ଭୟାବହ ଭୂକମ୍ପ ଦୃଶ୍ୟ ଦେଖିଲେ ଏବେ ବି ଛାତି ଥରି ଯାଉଛି । ମୃତ୍ୟୁ ସଂଖ୍ୟା ୨୮ ହାର ଟପିଥିଲେ ହେଁ ହଜାର ହଜାର ଲୋକ ଧ୍ୱଂସସ୍ତୁପ ତଳେ ଚାପି ହୋଇ ରହିଛନ୍ତି । ଏ ଦୃଶ୍ୟ ଦେଖି ଉଦ୍ଧାରକାରୀଙ୍କ ଛାତି ଥରି ଯାଉଛି । ତଥାପି ସେମାନେ ଲାଗିପଡିଛନ୍ତି ଗଦା ଗଦା କଂକ୍ରିଟ ତଳୁ ଜୀବନ ସାଉଁଟିବାରେ । ଯେଉଁଠି ଜୀବନର ସନ୍ଧାନ ପାଉଛନ୍ତି ସେମାନଙ୍କ ମୁହଁରେ ବି ହସ ଫୁଟିଉଠୁଛି । ଦୁର୍ଘଟଣାର ୫ ଦିନ ପରେ ଏମିତି କିଛି ଘଟଣା ସାମ୍ନାକୁ ଆସିଛି ।

ଘଟଣାର ୫ ଦିନ ପରେ ଧ୍ୱଂସସ୍ତୁପ ତଳୁ ମିଳିଛି ଜୀବନ । ଜଣେ ବା ଦୁଇ ଜଣ ନୁହେଁ,ଗୋଟିଏ ପରିବାର୫ ଜଣ ସଦସ୍ୟଙ୍କୁ ଉଦ୍ଧାର କରିଛନ୍ତି ଉଦ୍ଧାରକାରୀ ଦଳ । ଏମାନଙ୍କ ମଧ୍ୟରେ ଅଛନ୍ତି ତିନିଜଣ ଶିଶୁ ଏବଂ ଦୁଇଜଣ ବୟସ୍କ । ଦୁଖ ଆଉ ନିରାଶା ଭିତରେ ବି ସମସ୍ତଙ୍କ ମୁହଁରେ ପୁଟି ଉଠିଥିଲା ହସ । ସମସ୍ତେ ଏକ ସ୍ୱରରେ କହୁଥିଲେ “ଈଶ୍ଵର ତୁମେ ମହାନ ।”

ଏ ଦୃଶ୍ୟ ଥିଲା ଭୂକମ୍ପ ବିଧ୍ୱସ୍ତ ସିରିଆର । ସିରିଆର ନାଗରିକ ସ୍ୱୟଂ ସେବୀ ସଂଗଠନ “ହ୍ୱାଇଟ ହେଲମେଟ’ ପକ୍ଷରୁ ଏହି ଖବର ବିଷୟରେ ସୂଚନା ମିିଳିଛି । ହ୍ୱାଇଟ ହେଲମେଟ ପକ୍ଷରୁଏକ ଭିଡିଓ ଟୁଇଟ କରି କୁହାଯାଇଛି, “ଏକ ସଚ୍ଚା ଚମତ୍କାର । ଖୁସିର ସ୍ୱର ଆକାଶକୁ ଆଲିଙ୍ଗନ କରେ । ବିଶ୍ୱାସ ଉପରେ ଖୁସି । ମଙ୍ଗଳବାର ଦ୍ୱିପହରରେ ବିସ୍ନିୟା ଗାଁରେ ପୂରା ପରିବାରକୁ ଧ୍ୱଂସସ୍ତୁପ ତଳୁ ବାହାର କରାଯାଇଛି ।’

ଭିଡିଓରେ ଦେଖିବାକୁ ମିିଳିଛି, ଉଦ୍ଧାରକର୍ତ୍ତାମାନେ ପିଲାମାନଙ୍କୁ ଆମ୍ବୁଲାନ୍ସରେ ନେଇ ଯାଉଛନ୍ତି । ବୟସ୍କମାନଙ୍କୁ ଷ୍ଟ୍ରେଚରରେ ନିଆଯାଉଛି ।

A true miracle…the sounds of joy embrace the sky… joy beyond belief.
An entire family was rescued from under the rubble of their house this afternoon, Tuesday, February 7, in the village of Bisnia, west of #Idlib.#Syria #earthquake pic.twitter.com/Cb7kXLiMjT

— The White Helmets (@SyriaCivilDef) February 7, 2023

ଭଗବାନଙ୍କର ଆଉ ଏକ ବିଚିତ୍ର ଲୀଳା ଦେଖିବାକୁ ମିଳିଛି ତୁର୍କୀରେ । ଏକ ନବଜାତ ଶିଶୁ ୫ ଦିନ ଧ୍ୱଂସସ୍ତୁପ ତଳେ ରହିବା ପରେ ଜୀବିତ ଉଦ୍ଧାର ହୋଇଛି । ଏହାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି । ନବଜାତ ଶିଶୁଟି ଜଣେ ବ୍ୟକ୍ତିଙ୍କ ଆଙ୍ଗୁଠି ଚାଟୁଛି । ଏହା ପୂର୍ବରୁ ଏନଡିଆରଏଫର ଟିମ ଭୂକମ୍ପ ପ୍ରଭାବିତ କ୍ଷେତ୍ରରେ ଏକ ୮ ବର୍ଷର ଶିଶୁକୁ ଜୀବିତ ଭାବେ ଉଦ୍ଧାର କରିଥିଲେ ।

ସେହିପରି ଏନଡିଆରଏଫ ଯବାନମାନେ ତୁର୍କୀ ଯବାନଙ୍କ ସହ ମିଶି ଗାଜିଆନଟେପ ଅଞ୍ଚଳରେ ଉଦ୍ଧାର କାର୍ଯ୍ୟ ଚଲାଇଛନ୍ତି । ଗୁରୁବାର ଏହି ଅଞ୍ଚଳରୁ ଏକ ୬ ବର୍ଷର ଶିଶୁକନ୍ୟାକୁ ଏନଡିଆରଏଫ ଉଦ୍ଧାର କରିଥିଲେ ।

तुर्की में भूकंप : कुदरत का करिश्मा, मलबे के नीचे दबा नवजात बच्चा 128 घंटे बाद सकुशल निकाला गया pic.twitter.com/QUFoDoTTeM

— NDTV India (@ndtvindia) February 11, 2023