ନୂଆଦିଲ୍ଲୀ: ମୋଟରୋଲା ଗତବର୍ଷ ଭାରତରେ ମୋଟୋ ଜି୮ ପ୍ଲସ୍ ସ୍ମାର୍ଟଫୋନ୍ ଲଞ୍ଚ କରିଥିଲା। ଏଥି ସହିତ କମ୍ପାନୀ ଏହାର ରିବ୍ରାଣ୍ଡେଡ୍ ଭର୍ସନ୍ ମୋଟରୋଲା ୱାନ୍ ଭିଜନ୍ ପ୍ଲସ୍ ବଜାରରେ ଲଞ୍ଚ କରିଛି। ବଜେଟ୍ ମଧ୍ୟରେ ଆରମ୍ଭ ହୋଇଥିବା ଏହି ସ୍ମାର୍ଟଫୋନରେ ଉପଭୋକ୍ତାମାନେ ୪୮ମେଗାପିକ୍ସେଲ ରିୟର କ୍ୟାମେରା ସେଟଅପ୍ ଏବଂ ୪୦୦୦ଏମଏଏଚ ବ୍ୟାଟେରୀ ପାଇବେ।
କମ୍ପାନୀ ଏହାକୁ ମଧ୍ୟ ପୂର୍ବ ଦେଶଗୁଡିକରେ ଲଞ୍ଚ କରିଛି ଏବଂ ଏହା ସେଠାରେ ଥିବା ଅଫିସିଆଲ୍ ୱେବସାଇଟରେ ତାଲିକାଭୁକ୍ତ ହୋଇଛି।
ମୋଟରୋଲା ୱାନ୍ ଭିଜନ୍ ପ୍ଲସ୍ ମୂଲ୍ୟ:
ଏହି ସ୍ମାର୍ଟଫୋନ୍ ଏଇଡି ୬୯୯ ଅର୍ଥାତ୍ ୧୪,୩୨୦ ଟଙ୍କା ସହିତ ଲଞ୍ଚ କରାଯାଇଛି। ଏହା ଦୁଇଟି ରଙ୍ଗର ଭ୍ୟାରିଆଣ୍ଟ, କ୍ରିଷ୍ଟାଲ୍ ରୋଜ ଏବଂ କସ୍ମିକ୍ ବ୍ଲୁରେ ଉପଲବ୍ଧ ହେବ। ଏହି ଫୋନ୍ ଲଞ୍ଚ ସହିତ ବିକ୍ରୟ ପାଇଁ ଉପଲବ୍ଧ କରାଯାଇଛି।
ମୋଟରୋଲା ୱାନ୍ ଭିଜନ୍ ପ୍ଲସ୍ ର ଫିଚର୍ସ :
ମୋଟରୋଲା ୱାନ୍ ଭିଜନ୍ ପ୍ଲସରେ ୬.୩-ଇଞ୍ଚ ପୂର୍ଣ୍ଣ ଏଚଡ଼ି+ ଡିସପ୍ଲେ ଅଛି। ଏହାର ସ୍କ୍ରିନ୍ ରେଜୋଲୁସନ ହେଉଛି ୨୨୮୦ ଙ୍ଘ ୧୦୮୦ ପିକ୍ସେଲ। ୧୯:୯ ମ୍ୟାକ୍ସ ଭିଜନ୍ ଆସପେକ୍ଟ ଅନୁପାତ ଏବଂ ୱାଟରଡ୍ରପ୍ ନଚ୍ ଉପସ୍ଥିତ। ଏହି ସ୍ମାର୍ଟଫୋନ୍ ୧.୮ଗିଗାହର୍ଷ ଅକ୍ଟା-କୋର କ୍ୱାଲକମ୍ ସ୍ନାପଡ୍ରାଗନ୍ ୬୬୫ ପ୍ରୋସେସରରେ ଉପସ୍ଥାପିତ ହୋଇଛି। ଏଥିରେ ୪ ଜିବି ରାମ୍ ଏବଂ ୧୨୮ ଜିବି ଆଭ୍ୟନ୍ତରୀଣ ଷ୍ଟୋରେଜ୍ ଅଛି ଯାହା ବ୍ୟବହାରକାରୀଙ୍କ ମାଇକ୍ରୋ ଏସଡି କାର୍ଡ ସାହାଯ୍ୟରେ ୫୧୨ ଜିବି ପର୍ଯ୍ୟନ୍ତ ବିସ୍ତାର ହୋଇପାରିବ।
ଫୋନର କ୍ୟାମେରା ବିଷୟରେ କହିବାକୁ ଗଲେ ଏଥିରେ କ୍ୱାଡ ରିୟର କ୍ୟାମେରା ସେଟଅପ୍ ଦିଆଯାଇଛି। ଏଥିରେ ୪୮ମେଗାପିକ୍ସେଲ ପ୍ରାଥମିକ ସେନସର, ୫ ମେଗାପିକ୍ସେଲ ଗଭୀରତା ସେନସର, ୧୬ ମେଗାପିକ୍ସେଲ ଅଲ୍ଟ୍ରା ୱାଇଡ୍ ସେନ୍ସର ଏବଂ ମାକ୍ରୋ ସେନ୍ସର ଅଛି। ଭିଡିଓ କଲିଂ ଏବଂ ସେଲଫି ସୁବିଧା ପାଇଁ ଫୋନରେ ୨୫ ମେଗାପିକ୍ସେଲ ଫ୍ରଣ୍ଟ କ୍ୟାମେରା ଥିବାବେଳେ। ଆଣ୍ଡ୍ରଏଡ୍ ୯.୦ ପାଇ ଅପରେଟିଙ୍ଗ ସିଷ୍ଟମ ଉପରେ ଆଧାରିତ, ଏହି ସ୍ମାର୍ଟଫୋନରେ ୪୦୦୦ଡଇଷ ବ୍ୟାଟେରୀ ଅଛି ଯାହାକି ୧୫ୱାଟ ଟର୍ବୋ ଚାର୍ଜିଂ ସପୋର୍ଟ ସହିତ। ଫୋନରେ ସଂଯୋଗୀକରଣ ପାଇଁ ୪ଜି ଭୋଲଟି ସମର୍ଥନ ବ୍ୟତୀତ ବ୍ଲୁଟୁଥ୍ ୫.୦ , ଜିପିଏସ୍, ୟୁଏସବି ଟାଇପ୍ ସି ପୋର୍ଟ ଏବଂ ଡୁଆଲ୍ ସିମ୍ ସ୍ଲଟ୍ ଯୋଗାଇ ଦିଆଯାଇଛି। ଏହି ସ୍ମାର୍ଟଫୋନର ଓଜନ ୧୮୮ ଗ୍ରାମ ଏବଂ ଆକାର ୭୫.୮୩ ୯.୦୯ ମିମି।