ୱେଲିଙ୍ଗଟନ୍: କରୋନା ବିରୋଧୀ ଫାଇଜର ଟିକା ନେଇ ମହିଳାଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଏଭଳି ଏକ ଘଟଣା ଘଟିଛି ନ୍ୟୁଜିଲ୍ୟାଣ୍ଡରେ। ନ୍ୟୁଜିଲ୍ୟାଣ୍ଡ ସୋମବାର ରିପୋର୍ଟ କରିଛି ଯେ ଫାଇଜର ଟିକା ସହିତ ଦେଶର ପ୍ରଥମ ମୃତ୍ୟୁ ମାମଲା ରେକର୍ଡ ହୋଇଛି।
କରୋନା ଟିକା ନିରାପତ୍ତା ମନିଟରିଂ ବୋର୍ଡ ଦ୍ୱାରା ଟିକା ପାଇବା ପରେ ଜଣେ ମହିଳାଙ୍କ ମୃତ୍ୟୁ ବିଷୟରେ ସମୀକ୍ଷା ପରେ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏହି ସୂଚନା ପ୍ରକାଶ ପାଇଛି। ମନ୍ତ୍ରଣାଳୟ ଜାରି କରିଥିବା ବିବୃତ୍ତିରେ ମହିଳାଙ୍କ ବୟସ ଦେଇନଥିବା ଜଣାପଡ଼ିଛି।
ବୋର୍ଡ ବିଚାର କରିଛି ଯେ ମହିଳାଙ୍କ ମୃତ୍ୟୁ ମାୟୋକାର୍ଡାଇଟିସ୍ କାରଣରୁ ହୋଇଛି। ଯାହା ଫାଇଜର କରୋନା ଟିକା ର ଏକ ବିରଳ ପାର୍ଶ୍ୱ ପ୍ରତିକ୍ରିୟା ବୋଲି ଜଣାପଡ଼ିଛି।
ନ୍ୟୁଜିଲ୍ୟାଣ୍ଡରେ ଏହା ହେଉଛି ପ୍ରଥମ ଘଟଣା ଯେଉଁଠାରେ ଫାଇଜର ଟିକା ନେବାର ଗୋଟିଏ ଦିନ ପରେ ମହିଳାଙ୍କ ମୃତ୍ୟୁ ହୋଇଛି ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି।