ନୂଆଦିଲ୍ଲୀ: ୨୦୧୨ ମସିହା ଡିସେମ୍ବର ୧୬ ତାରିଖରେ ଘଟିଥିବା ଲୋମହର୍ଷଣକାରୀ ନିର୍ଭୟା ଗଣ ଦୁଷ୍କର୍ମ ମାମଲା ସମଗ୍ର ଦେଶକୁ ଥରାଇ ଦେଇଥିଲା। ଆଜି ନିର୍ଭୟା ମାମଲାକୁ ୮ ବର୍ଷ ପୂରିଛି। ଏହି ଅବସରରେ ନିର୍ଭୟାଙ୍କ ମା ଆଶା ଦେବୀ କହିଛନ୍ତି ଯେ ମୋ ଝିଅକୁ ନ୍ୟାୟ ମିଳିଛି, କିନ୍ତୁ ଏହାର ଅର୍ଥ ନୁହେଁ ଯେ ମୁଁ ଚୁପ୍ ରହିବି। ସମସ୍ତ ବଳାତ୍କାର ପୀଡିତାଙ୍କୁ ନ୍ୟାୟ ଦେବା ପାଇଁ ମୁଁ ସଂଗ୍ରାମ ଜାରି ରଖିବି।
ନିର୍ଭୟାଙ୍କ ମା ଆଶା ଦେବୀ କହିଛନ୍ତି ମୋ ଝିଅକୁ ନ୍ୟାୟ ମିଳିଛି ଏବଂ ଚାରିଜଣ ଦୋଷୀଙ୍କୁ ଫାଶୀ ଦିଆଯାଇଛି। ୨୦୧୨ ପରେ ମୁଁ ୮ ବର୍ଷ ଧରି ଏହି ଲଢେଇ କରିଛି। ଆମେ ଅନ୍ୟ ଝିଅମାନଙ୍କୁ ନ୍ୟାୟ ଦେବା ପାଇଁ ମଧ୍ୟ ସଂଗ୍ରାମ ଜାରି ରଖିବା ଉଚିତ। ଆମେ ପ୍ରତିବର୍ଷ ଯାହା କରିଥାଉ, କରୋନା ହେତୁ ଆମେ ଏ ବର୍ଷ କରିପାରିଲୁ ନାହିଁ, କିନ୍ତୁ ଅନଲାଇନ୍ ପ୍ରୋଗ୍ରାମ୍ କରିବୁ।
ଏପରି ଅପରାଧ କିପରି ବନ୍ଦ ହେବ? ପ୍ରଶ୍ନର ଉତ୍ତର ଦେବାବେଳେ ନିର୍ଭୟାଙ୍କ ମା ଆଶା ଦେବୀ କହିଥିଲେ ଯେ କାହାର ମନରେ ଆଇନର ଭୟ ନାହିଁ। ଆଇନରେ ଯାହା ବି କିଛି ଅଭାବ ରହିଛି ତାହା ସରକାର ଏବଂ ଆଇନ ଦ୍ୱାରା ସୁଧାରିବା ଉଚିତ।