ଭୁବନେଶ୍ୱର: ଅଭିନେତା ପିଣ୍ଟୁ ନନ୍ଦଙ୍କ ସ୍ୱାସ୍ଥ୍ୟାବସ୍ଥା ଏବେ ବି ଗୁରୁତର ରହିଛି । ଗତ ସପ୍ତାହରେ ଚିକିତ୍ସା ପାଇଁ ଦିଲ୍ଲୀର ଇନଷ୍ଟିଚ୍ଯୁଟ୍ ଅଫ୍ ଲିଭର ଆଣ୍ଡ ବିଲିଆରି ସାଇନ୍ସରୁ ହାଇଦ୍ରାବାଦର ଯଶୋଦା ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ଏବେ ବି ପିଣ୍ଟୁଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି ।
ଅଭିନେତା ଶ୍ରୀତମ ଦାସ, ପିଣ୍ଟୁ ନନ୍ଦଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ସୂଚନା ଦେଇଛନ୍ତି । ମେଡିକାଲ ବେଡରେ ପିଣ୍ଟୁଙ୍କ ଫଟୋ ସହ ଶ୍ରୀତମ ସେୟାର କରିଛନ୍ତି ମେଡିକାଲ୍ ସାର୍ଟିଫିକେଟର ଫଟୋ । ଲେଖିଛନ୍ତି, ପିଣ୍ଟୁଙ୍କ ସ୍ୱାସ୍ଥ୍ୟାବସ୍ଥା ଭଲ ନାହିଁ । ତାଙ୍କୁ ସମସ୍ତଙ୍କ ଆଶୀର୍ବାଦ ଦରକାର । ଜୟ ଜଗନ୍ନାଥ ।
Pintu Nanda condition is not good. He needs blessing from everyone. ଜୟ ଜଗନ୍ନାଥ 🙏@CMO_Odisha @MoSarkar5T @OfficeDp @mansukhmandviya @otvnews @kanak_news @Kalingatv @ArgusNews_in @NandighoshaTV @NEWS7Odia @News18Odia @ZeeOdisha @etvodia @IPR_Odisha @Culturedeptt pic.twitter.com/PvIaoMIPGY
— Sritam Das (@SritamDas) March 1, 2023
ଓଡ଼ିଆ ଫିଲ୍ମରେ ପିଣ୍ଟୁ ନନ୍ଦ ଖଳନାୟକ ଭୂମିକାରେ ନଜର ଆସୁଥିଲେ । ନିକଟରେ ତାଙ୍କ ଦେହ ଖରାପ ହେବା ପରେ ଡାକ୍ତର ଲିଭର ଟ୍ରାନ୍ସପ୍ଲାଣ୍ଟ ପାଇଁ କହିଥିଲେ । ଯେଉଁଥିପାଇଁ ତାଙ୍କୁ ମେଡିକାଲରେ ଭର୍ତ୍ତି କରାଯାଇ ଥିବାବେଳେ ଚିକିତ୍ସାରେ ପ୍ରାୟ ୩୫ ଲକ୍ଷ ଟଙ୍କା ଖର୍ଚ୍ଚ ହେବା ନେଇ ମେଡିକାଲ ପକ୍ଷରୁ ଆକଳନ କରାଯାଇଛି ।
ତେବେ ଅଙ୍ଗଦାନକାରୀ ଅଭାବରୁ ଫେବ୍ରୁଆରୀ ୨୫ ତାରିଖରେ ଦିଲ୍ଲୀରୁ ପିଣ୍ଟୁ ନନ୍ଦଙ୍କୁ ହାଇଦ୍ରାବାଦ ସ୍ଥାନାନ୍ତର କରାଯାଇଥିଲା । ପୂର୍ବରୁ ପିଣ୍ଟୁଙ୍କ ପରିବାର ସଦସ୍ୟ ଯକୃତ ଦାନ କରିବାର ଥିଲା । କିନ୍ତୁ ବ୍ଲଡ ଗ୍ରୁପ ଓ ଅନ୍ୟ କାରଣରୁ ତାହା ସମ୍ଭବ ହୋଇ ପାରି ନଥିଲା ।