ଭୁବନେଶ୍ୱର: କରୋନା ସଂକ୍ରମଣ ସ୍ଥିତି ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବରିଷ୍ଠ ଅଧିକାରୀ ଓ ଜିଲ୍ଲାପାଳମାନଙ୍କ ସହ କଥା ହୋଇଛନ୍ତି । ମହାମାରୀ କରୋନାକୁ ନେଇ ଦେଶରେ ଭୟଙ୍କର ସ୍ଥିତି ସୃଷ୍ଟି ହୋଇଛି । ଏକାଧିକ ରାଜ୍ୟ ଓ ମହାନଗର ଗୁଡ଼ିକରେ ସଂକ୍ରମଣ ଅଣାୟତ୍ତ ହୋଇପଡ଼ିଛି । ରାଜ୍ୟରେ କୋଭିଡ୍ ସ୍ଥିତିର ମୁକାବିଲା ପାଇଁ ଆମକୁ ସତର୍କତାମୂଳକ ପଦକ୍ଷେପ ନେବାକୁ ପଡ଼ିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ରାଜ୍ୟରେ ସଂକ୍ରମଣ ମାତ୍ରା ବଢ଼ିଥିବା ବେଳେ ଆମେ ପରିଚାଳନା ପାଇଁ ସକ୍ଷମ ହୋଇଛୁ । ତେବେ କିଛି ଜିଲ୍ଲାରେ ବଢ଼ିଥିବା ସଂକ୍ରମଣ ଚିନ୍ତାର କାରଣ ପାଲଟିଛି । ଭାଇରସ୍ ଏବେ ଡବଲ ମ୍ୟୁଟାଣ୍ଟରୁ ରୂପ ବଦଳାଇ ତ୍ରିପଲ୍ ମ୍ୟୁଟାଣ୍ଟ ଷ୍ଟ୍ରେନରେ ପରିଣତ ହୋଇଛି । ଯାହାର ଶିକାର ହେଉଛନ୍ତି ଯୁବଗୋଷ୍ଠୀ । ସଂକ୍ରମଣର ବେଗକୁ ଦେଖି ଖରାପ ପରିସ୍ଥିତିକୁ ସାମ୍ନା କରିବାକୁ ଆମେ ପ୍ରସ୍ତୁତ ରହି ବିପର୍ଯ୍ୟୟକୁ ମୁକାବିଲା କରିହେବ ବୋଲି କହିଛନ୍ତି ନବୀନ । ବାସ୍ତବ ସ୍ଥିତି ଦେଖି ପଦକ୍ଷେପ ନେବାକୁ ଜିଲ୍ଲାପାଳ ଓ ଏସପିମାନଙ୍କୁ ନବୀନ ନିର୍ଦ୍ଦେଶ ଦେଇଛନ୍ତି ।
We are in the midst of a severe crisis in the country. Many States and metro cities are witnessing a huge strain on the healthcare system. We need to be extremely cautious and alert in ensuring all measures to manage the situation in #Odisha. pic.twitter.com/RKVsgwfI81
— Naveen Patnaik (@Naveen_Odisha) April 27, 2021
ପର୍ଯ୍ୟବେକ୍ଷକମାନେ ସଂକ୍ରମଣ ଉପରେ ତୀକ୍ଷଣ ଦୃଷ୍ଟି ଦିଅନ୍ତୁ । ଯେଉଁଠି ଅଭାବ ଦୃଶ୍ୟମାନ ହେଉଛି ସେଠି ତୁରନ୍ତ ପଦକ୍ଷେପ ନିଆଯାଉ । ମୁଖ୍ୟ ଶାସନ ସଚିବ ଏହାକୁ ମନିଟର କରି ଆଗାମୀ ବୈଠକରେ ତଥ୍ୟ ଦେବାକୁ ମୁଖ୍ୟମନ୍ତ୍ରୀ କହିଛନ୍ତି । ଏଥିସହ ସଂକ୍ରମଣକୁ ଦେଖି କିଛି ସ୍ଥାନରେ ମାର୍କେଟ ଗୁଡ଼ିକ ସ୍ୱତଃପ୍ରବୃତ ଭାବେ ବନ୍ଦ ନିଷ୍ପତ୍ତି ନେଉଛନ୍ତି । ଏହାଦ୍ୱାରା ଗୋଷ୍ଠୀସ୍ତରରେ ସଚେତନତା ସୃଷ୍ଟି ହେଉଥିବାକୁ ମୁଖ୍ୟମନ୍ତ୍ରୀ ଧନ୍ୟବାଦ ଅର୍ପଣ କରିଛନ୍ତି ।
The 2nd wave has made us realise that we need to be prepared for the crisis for long. Unless we observe the Covid appropriate protocols like wearing masks, washing hands, social distancing we cannot tide over this. I would like all of you to take care of our frontline warriors.
— Naveen Patnaik (@Naveen_Odisha) April 27, 2021
ଏଭଳି ମିଳିମିଶି କାମ କରିବା କୋଭିଡ୍ ବିରୋଧୀ ଯୁଦ୍ଧକୁ ବଳ ଦେବ । ଏଥିସହ ରାଜ୍ୟରେ ଅକ୍ସିଜେନ୍ ପରିବହନ ଯୋଜନା ସହ ଆକ୍ରାନ୍ତଙ୍କୁ ସମୟରେ ଅକ୍ସିଜେନ୍ ଦେବା ଉପରେ ନବୀନ ଗୁରୁତ୍ୱ ଦେଇଛନ୍ତି । ଏଥିସହ ଆକ୍ରାନ୍ତଙ୍କ ଲାଗି ଔଷଧ ଉପଲବ୍ଧ ଉପରେ ଗୁରୁତ୍ୱ ଦେଇଛନ୍ତି ମୁଖ୍ୟମନ୍ତ୍ରୀ ।
କୋଭିଡର ଦ୍ୱିତୀୟ ପ୍ରବାହ ଆମକୁ ଲମ୍ବା ବା ଦୀର୍ଘ ସମୟ ଯାଏ ପ୍ରସ୍ତୁତ ରହିବାକୁ ଆହ୍ୱାନ ଦେଇଛି । ଏଥିସହ ମୁହଁରେ ମାସ୍କ ପିନ୍ଧିବା, ବାରମ୍ବାର ହାତ ଧୋଇବା, ସାମାଜିକ ଦୂରତା ରକ୍ଷା ଉପରେ ମୁଖ୍ୟମନ୍ତ୍ରୀ ଗୁରୁତ୍ୱାରୋପ କରିଛନ୍ତି । ଏଥିସହ ଆଗଧାଡ଼ିର ଯୋଦ୍ଧାଙ୍କ ଉପରେ ଧ୍ୟାନ ଦେବାକୁ ମୁଖ୍ୟମନ୍ତ୍ରୀ କହିଛନ୍ତି ।