ରାସ୍ତା କଡ଼ରେ ପଡ଼ିଥିଲା ଟଙ୍କା ଓ ମୂଲ୍ୟବାନ ସାମଗ୍ରୀ ଭର୍ତ୍ତି ବ୍ୟାଗ୍! ତା’ପରେ ମହିଳା ଜଣକ ଯାହା କଲେ, ଶୁଣିଲେ ଆପଣ ବି କରିବେ ସଲାମ୍…
ଭୁବନେଶ୍ୱର: ଆଜିକାଲିର ସ୍ୱାର୍ଥପର ଦୁନିଆରେ ଲୋକେ ନିଜ ଫାଇଦା ପାଇଁ କିଛି ବି କରିବାକୁ ପଛାଉ ନାହାନ୍ତି। ବିଶେଷ କରି ଟଙ୍କା ପାଇଁ ଭାଇ ଭାଇ ମଧ୍ୟରେ ସମ୍ପର୍କ ତୁଟି ଯାଉଥିବା ବେଳେ, ଏମିତି ଏକ ଘଟଣା ଭଦ୍ରକ ରେ ଦେଖିବାକୁ ମିଳିଛି, ଯାହା ପ୍ରମାଣିତ କରିଛି ଯେ ଆଜି ବି ମଣିଷ ପଣିଆ ବଞ୍ଚିଛି। ରାସ୍ତାରୁ ମିଳିଥିବା ମୋଟା ଅଙ୍କର ଟଙ୍କା ଏବଂ ମୂଲ୍ୟବାନ ସାମଗ୍ରୀକୁ ନିଜ ପାଖରେ ନରଖି ଥାନାରେ ଜିମା ଦେଇଛନ୍ତି ଜଣେ ମହିଳା। ତାଙ୍କର ଏଭଳି ସାଧୁତା ଓ ମହାନତାକୁ ଏବେ ସବୁଆଡ଼ୁ ପ୍ରଶଂସାର ସୁଅ ଛୁଟିଛି।
ଘଟଣା ଅନୁଯାୟୀ, ମହିଳା ଜଣକ ରାସ୍ତାରେ ଯାଉଥିବା ସମୟରେ ତଳେ ଏକ ବ୍ୟାଗ୍ ପଡ଼ିଥିବାର ଦେଖିବାକୁ ପାଇଥିଲେ। ପ୍ରଥମେ ସେ ଏହାକୁ ଏକ ସାଧାରଣ ବ୍ୟାଗ୍ ଭାବିଥିଲେ, କିନ୍ତୁ କୌତୁହଳବଶତଃ ପାଖକୁ ଯାଇ ଖୋଲିବା ବେଳେ ତାଙ୍କ ଆଖି ଖୋସି ହୋଇଯାଇଥିଲା। ବ୍ୟାଗ୍ ଭିତରେ ଥିଲା ନଗଦ ୬୦ ହଜାର ଟଙ୍କା ଏବଂ କିଛି ଦାମୀ ସାମଗ୍ରୀ। ଏତେ ଗୁଡ଼ିଏ ଟଙ୍କା କାହାର ପଡ଼ିଯାଇଛି ଭାବି ସେ ଆଶ୍ଚର୍ଯ୍ୟ ହେବା ସହ ବ୍ୟସ୍ତ ହୋଇପଡ଼ିଥିଲେ।
ସାଧାରଣତଃ ଏତେ ଗୁଡ଼ିଏ ଟଙ୍କା ଏକାଠି ଦେଖିଲେ ଯେକେହି ବି ଲୋଭରେ ପଡ଼ିଯିବା ସ୍ୱାଭାବିକ। କିନ୍ତୁ ଏହି ମହିଳା ଜଣକ ନିଜ ଲୋଭକୁ ପ୍ରଶ୍ରୟ ଦେଇନଥିଲେ। ହଜିଯାଇଥିବା ଟଙ୍କା ପାଇଁ ପ୍ରକୃତ ମାଲିକ କେତେ ହଇରାଣ ହେଉଥିବେ, ସେ କଥା ଭାବି ସେ ତୁରନ୍ତ ସ୍ଥାନୀୟ ପୋଲିସ ଷ୍ଟେସନ ଅଭିମୁଖେ ବାହାରିଥିଲେ।
ଥାନାରେ ପହଞ୍ଚି ସେ ପୋଲିସ ବାବୁଙ୍କୁ ସମସ୍ତ ଘଟଣା ଖୋଲି କହିଥିଲେ ଏବଂ ଟଙ୍କା ଥିବା ସେହି ବ୍ୟାଗଟିକୁ ହସ୍ତାନ୍ତର କରିଥିଲେ। ପୋଲିସ ଅଧିକାରୀ ମଧ୍ୟ ମହିଳାଙ୍କ ଏଭଳି କାର୍ଯ୍ୟ ଦେଖି ଆଶ୍ଚର୍ଯ୍ୟ ହେବା ସହ ତାଙ୍କର ସାଧୁତାକୁ ଭୂୟସୀ ପ୍ରଶଂସା କରିଥିଲେ।
ଏହି ଘଟଣା ସ୍ଥାନୀୟ ଅଞ୍ଚଳରେ ପ୍ରଚାରିତ ହେବା ପରେ ମହିଳାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି। ଅନ୍ୟପକ୍ଷରେ ପୋଲିସ ସେହି ବ୍ୟାଗ୍ର ପ୍ରକୃତ ମାଲିକଙ୍କୁ ଖୋଜି ବାହାର କରିବା ପାଇଁ ଉଦ୍ୟମ ଆରମ୍ଭ କରିଛି। ସତରେ, ନିଜର ଏହି ନିଃସ୍ୱାର୍ଥପର କାର୍ଯ୍ୟ ମାଧ୍ୟମରେ ମହିଳା ଜଣକ ସମାଜ ପାଇଁ ଏକ ଶକ୍ତିଶାଳୀ ବାର୍ତ୍ତା ଛାଡ଼ିଯାଇଛନ୍ତି ଯେ ସାଧୁତା ଠାରୁ ବଳି ବଡ଼ ଧନ ଆଉ କିଛି ନାହିଁ।
