ଲକ୍ଷ୍ନୌ: ସକାଳୁ ସକାଳୁ ଅଯୋଧ୍ୟା ଗସ୍ତରେ ଲୋକସଭା ବାଚସ୍ପତି ଓମ୍ ବିର୍ଲା । ରାମନଗରୀ ଅଯୋଧ୍ୟାରେ ପହଞ୍ଚିବା ପରେ ତାଙ୍କୁ ସେଠାରେ ଭବ୍ୟ ସ୍ୱାଗତ କରାଯାଇଥିଲା। ଲୋକସଭା ବାଚସ୍ପତି ତାଙ୍କ ପୁରା ପରିବାର ସହିତ ଅଯୋଧ୍ୟାରେ ପହଞ୍ଚିଛନ୍ତି । ଅଯୋଧ୍ୟା ଷ୍ଟେସନରେ ବିଧାୟକ ବେଦ ପ୍ରକାଶ ଗୁପ୍ତା, ମନ୍ତ୍ରୀ ଦୟାଶଙ୍କର ସିଂ ଏବଂ ମହନ୍ତ ଗିରିଶପତି ତ୍ରିପାଠୀ ତାଙ୍କୁ ସ୍ୱାଗତ କରିଥିଲେ। ଦୁଇ ଦିନିଆ ଗସ୍ତରେ ଲୋକସଭା ବାଚସ୍ପତି ଅଯୋଧ୍ୟା ରାମ ନଗରୀରେ ପହଞ୍ଚିଛନ୍ତି।
ଗସ୍ତ ସମୟରେ ପୁରା ପରିବାର ଲୋକଙ୍କ ସହିତ ଲୋକସଭା ବାଚସ୍ପତି ଓମ୍ ବିର୍ଲା ରାମଲାଲାଙ୍କ ଦର୍ଶନ କରିବେ । ଏହା ପରେ ସନ୍ଧ୍ୟାରେ ଅନୁଷ୍ଠିତ ହେବାକୁ ଥିବା ସରଜୁ ଆରତୀରେ ମଧ୍ୟ ଅଂଶଗ୍ରହଣ କରିବେ | ଏହାପୂର୍ବରୁ ସେ ମାହେଶ୍ୱରୀ ସମାଜର ଧର୍ମଶାଳାର ଭୁମି ପୂଜନରେ ଅଂଶଗ୍ରହଣ କରିବେ।
ସୂଚନାନୁସାରେ, ଆଜି ବାଚସ୍ପତିଙ୍କ ଅଯୋଧ୍ୟା ଗସ୍ତର ପ୍ରଥମ ଦିନ । ଆଜି ଅପରାହ୍ନ ୪:୩୦ ସମୟରେ ଲୋକସଭା ବାଚସ୍ପତି ଓମ ବିର୍ଲା ତାଙ୍କ ପତ୍ନୀ ଡକ୍ଟର ଅମିତା ବିର୍ଲା ଶ୍ରୀ ରାମ ମନ୍ଦିରରେ ରାମଲାଲାଙ୍କ ଦର୍ଶନ କରିବେ । ଏହାପରେ ସନ୍ଧ୍ୟା ୫:୩୦ ରେ ସେ ସରଜୁ ନଦୀ କୂଳରେ ହେବାକୁ ଥିବା ମହା ଆରତୀରେ ମଧ୍ୟ ଭାଗ ନେବେ |
ସେହିପରି ଦ୍ଵିତୀୟ ଦିନରେ ଅର୍ଥାତ୍ ମଙ୍ଗଳବାର ଦିନ ସକାଳ ୯:୩୦ ରେ ପୁଣିଥରେ ପରିବାର ଲୋକଙ୍କ ସହ ରାମଲାଲାଙ୍କ ଦର୍ଶନ କରିବେ । ଏହା ପରେ ସକାଳ ୧୦:୩୦ ରେ ହନୁମାନ ଗାଦିଙ୍କୁ ଭେଟିବା ପରେ ସେ ଆଶ୍ରମ ପରିଦର୍ଶନ କରିବେ | ମଙ୍ଗଳବାର ମଧ୍ୟାହ୍ନ ୧:୪୫ ରେ ବିମାନ ଯୋଗେ ସେ ଦିଲ୍ଲୀ ଫେରିଯିବେ ।