ସୁନ୍ଦରଗଡ : ଥମୁନି ହାତୀ ଆତଙ୍କ । ହାତୀ ଆକ୍ରମଣରେ କେତେବେଳେ ମଣିଷ ଜୀବନ ଯାଉଛି ତ କେତେବେଳେ ହାତୀର ଜୀବନ ଯାଉଛି । ଏହାରି ମଧ୍ୟରେ ଆଜି ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଦନ୍ତା ଆକ୍ରମଣରେ ଜଣେ ଯୁବକଙ୍କର ମୃତ୍ୟୁ ଘଟିଛି । ଏଭଳି ଘଟଣା ଦେଖିବାକୁ ମିଳିଛି ସୁନ୍ଦରଗଡ ବଡଗାଁ ଫରେଷ୍ଟ ରେଞ୍ଜ ଲାଖପଡାରେ । ମୃତକ ବିରେନ୍ କିଷାନ ବୋଲି ଜଣାପଡିଛି ।
ସୂଚନା ଅନୁସାରେ ଗତକାଲି ରାତିରେ ଦନ୍ତାଟି ଲାଖପଡାରେ ବିରେନ୍ ଙ୍କ ଘର ଭାଙ୍ଗୁଥିଲା । ଏହି ସମୟରେ ହାତୀ କବଳରୁ ବର୍ତ୍ତିବା ପାଇଁ ବିରେନ୍ ଦୌଡି ପଳାଉଥିଲେ । ଏତିକି ବେଳେ ଦନ୍ତାଟି ବିରେନ୍ ଙ୍କୁ ଦଳି ଦେଇଛି । ଫଳରେ ଘଟଣାସ୍ଥଳରେ ବିରେନଙ୍କର ମୃତ୍ୟୁ ଘଟିଛି । ଗତ କିଛି ଦିନ ହେବ ଦନ୍ତାଟି ସେହି ଅଞ୍ଚଳରେ ଆତଙ୍କ ଖେଳାଉଛି । କିନ୍ତୁ ବନ ବିଭାଗ ହାତୀ ଘଉଡାଇବାରେ ସମ୍ପୂର୍ଣ୍ଣ ଫେଲ ମାରିଛି । ଫଳରେ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
Comments are closed.