ଇସଲାମାବାଦ: ନିଜ ଦେଶରେ ଅନାସ୍ଥା ପ୍ରସ୍ତାବ ଭୋଟର ପରୀକ୍ଷା ଦେବାକୁ ଯାଉଥିବା ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନ୍ ଭାରତକୁ ପ୍ରଶଂସା କରିଛନ୍ତି। ମୁଖ୍ୟତଃ ଭାରତର ବୈଦେଶିକ ନୀତିକୁ ଇମ୍ରାନ୍ ପ୍ରଶଂସା କରିବା ପାକିସ୍ତାନ ରାଜନୀତିରେ ହଟଚମଟ ସୃଷ୍ଟି କରିଛି। ସେ କହିଛନ୍ତି ଯେ ଭାରତର ନୀତି ମୁକ୍ତ । ଭାରତର ବୈଦେଶିକ ନୀତି ଏହାର ଲୋକଙ୍କ ସ୍ୱାର୍ଥରେ ରହିଛି। ପାକ୍ ପ୍ରଧାନମନ୍ତ୍ରୀ କହିଛନ୍ତି ଯେ ଭାରତର ବୈଦେଶିକ ନୀତି କୌଣସି ଚାପରେ ନାହିଁ। ସେ କହିଛନ୍ତି ଯେ ମୁଁ ଭାରତର ନୀତିକୁ ପ୍ରଶଂସା କରୁଛି।
ଏଥିସହ ଇମ୍ରାନ ଖାନ ତାଙ୍କ ବିରୋଧୀ ଦଳକୁ ଟାର୍ଗେଟ କରି କହିଛନ୍ତି ଯେ ବିରୋଧୀ ଦଳ ଭାରତ ସହ ମିଶିଛି । ଏଥିସହିତ ଇମ୍ରାନ ଖାନ ମଧ୍ୟ ବିରୋଧୀଙ୍କୁ ଡକାୟତ ବୋଲି କହିଥିଲେ। ସେ କହିଛନ୍ତି ମୁଁ ଇସ୍ତଫା ଦେବି କିନ୍ତୁ କାହାକୁ ପ୍ରଣାମ ଦେବି ନାହିଁ। ଇମ୍ରାନ ଖାନ କହିଛନ୍ତି ଯେ ମୁଁ ଟଙ୍କା ଦେଇ ମୋ ସରକାରକୁ ବଞ୍ଚାଇବାକୁ ଚାହୁଁ ନାହିଁ।
ଉଲ୍ଲେଖଯୋଗ୍ୟ, ଇମ୍ରାନ ଖାନ ସରକାର ପତନର ଓଲଟା ଗଣନା ଆରମ୍ଭ ହୋଇଯାଇଛି । ମାର୍ଚ୍ଚ 28ରେ ପାକିସ୍ତାନ ସଂସଦରେ ଇମ୍ରାନ ସରକାର ଅନାସ୍ଥା ପ୍ରସ୍ତାବର ଶିକାର ହେବାକୁ ଯାଉଛନ୍ତି। ଏବେ ତାଙ୍କ ଦଳ ଭିତରେ ଅନେକ ସାଂସଦ ଇମ୍ରାନ ଖାନଙ୍କୁ ବିରୋଧ କରୁଛନ୍ତି । ତେଣୁ ଇମ୍ରାନ ସରକାରର ପତନ ହେବା ସୁନିଶ୍ଚିତ ବୋଲି ଜଣାପଡିଛି ।
