United Nation: ନୂଆଦିଲ୍ଲୀ: ଭାରତ ସବୁବେଳେ ଏହାର ଏକ ମଜବୁତ ଭବିଷ୍ୟତ ପାଇଁ ଚିନ୍ତା କରେ। କିନ୍ତୁ ପ୍ରଗତି ପରିବର୍ତ୍ତେ ପାକିସ୍ତାନ ଭାରତ ପଥରେ ବାଧା ସୃଷ୍ଟି କରିବାକୁ ଚିନ୍ତା କରେ। ଦୁନିଆର ବଡ ପ୍ଲାଟଫର୍ମରେ ମଧ୍ୟ ପାକିସ୍ତାନ ଏଭଳି କାର୍ଯ୍ୟ କରିବାକୁ କୁଣ୍ଠାବୋଧ କରେ ନାହିଁ। ଜାତିସଂଘର ପ୍ରତିଷ୍ଠିତ ପ୍ଲାଟଫର୍ମରେ ମଧ୍ୟ ପାକିସ୍ତାନ ଭାରତକୁ ବିରୋଧ କରିଛି। ବାସ୍ତବରେ ମିଳିତ ଜାତିସଂଘରେ ଭାରତୀୟ ରାଷ୍ଟ୍ରଦୂତ ରୁଚିରା କାମ୍ବୋଜ ଜାତିସଂଘରେ ସଂସ୍କାର ଆଣିବାକୁ ଦାବି କରିଥିଲେ। ମିଳିତ ଜାତିସଂଘରେ ସ୍ଥାୟୀ ଏବଂ ଅସ୍ଥାୟୀ ସଦସ୍ୟଙ୍କ ସଂଖ୍ୟା ବୃଦ୍ଧି କରାଯିବା ଉଚିତ ବୋଲି ସେ କହିଥିଲେ। ଏସିଆ, ଆଫ୍ରିକା ଏବଂ ଲାଟିନ୍ ଆମେରିକାର ଦେଶଗୁଡିକ ଏଥିରେ ଅନ୍ତର୍ଭୂକ୍ତ କରାଯିବା ଉଚିତ୍। ଜାତିସଂଘର ୫ ସ୍ଥାୟୀ ସଦସ୍ୟଙ୍କୁ ତାଗିଦ କରି ସେ କହିଥିଲେ, ‘ଦୀର୍ଘ ଦିନ ଧରି ୫ ସଦସ୍ୟ ଦେଶର ଇଚ୍ଛା ୧୮୮ ଦେଶର ସାମୂହିକ ଇଚ୍ଛାକୁ ଅବମାନନା କରିବ। ଏହାକୁ ପରିବର୍ତ୍ତନ କରିବାକୁ ପଡିବ।
ଭାରତର ଏହି ଦାବି ବିରୋଧରେ ପାକିସ୍ତାନ ଏବେ ଠିଆ ହୋଇଛି। ମିଳିତ ଜାତିସଂଘ ସୁରକ୍ଷା ପରିଷଦ (ୟୁଏନଏସସି)ରେ ନୂତନ ସ୍ଥାୟୀ ସଦସ୍ୟଙ୍କୁ ଅନ୍ତର୍ଭୁକ୍ତ କରିବାକୁ ପାକିସ୍ତାନ ବିରୋଧକ କରିଛି। ଏହାସହ ଏହା ମଧ୍ୟ କୁହାଯାଇଛି ଯେ ଜଣେ ନୂତନ ସଦସ୍ୟ ଯୋଡିବା ଦ୍ୱାରା ୧୫ ସଦସ୍ୟ ବିଶିଷ୍ଟ ସଂସ୍ଥା (ୟୁଏନଏସସି) ପକ୍ଷାଘାତ ହୋଇଯିବ ଏବଂ ଅଧିକାଂଶ କ୍ଷୁଦ୍ର ଏବଂ ମଧ୍ୟମ ଦେଶଗୁଡିକ କାର୍ଯ୍ୟରୁ ନିବୃତ୍ତ ହେବେ। ଜାତିସଂଘର ପାଞ୍ଚଜଣ ସ୍ଥାୟୀ ସଦସ୍ୟ ହେଉଛନ୍ତି ଆମେରିକା, ଚୀନ୍, ଋଷ, ଫ୍ରାନ୍ସ ଏବଂ ବ୍ରିଟେନ। ଭାରତକୁ ସ୍ଥାୟୀ ସଦସ୍ୟ କରିବାକୁ ଆମେରିକା, ଋଷ, ଫ୍ରାନ୍ସ ଏବଂ ବ୍ରିଟେନ ପ୍ରସ୍ତୁତ ଅଛନ୍ତି। କିନ୍ତୁ ଚୀନ୍ ଚାହୁଁନାହିଁ ଯେ ଭାରତ ସ୍ଥାୟୀ ସଦସ୍ୟ ହେଉ। କେବଳ ଚୀନ୍ର ନିର୍ଦ୍ଦେଶରେ ପାକିସ୍ତାନ ଏଭଳି ବିବୃତ୍ତି ଦେଉଥିବା ଜଣାପଡ଼ିଛି।
ବିଷ ଓଗାଳିଲା ପାକିସ୍ତାନ
ପାକିସ୍ତାନୀ ରାଷ୍ଟ୍ରଦୂତ ଆକ୍ରାମ କହିଛନ୍ତି ଯେ ଆମର ମୌଳିକ ସମସ୍ୟା ହେଉଛି ସ୍ଥାୟୀ ଆସନର ପ୍ରସ୍ତାବିତ ସମ୍ପ୍ରସାରଣ, କାରଣ ସୁରକ୍ଷା ପରିଷଦରେ ଅବରୋଧ ହେବାର ଏହା ହେଉଛି କାରଣ। ସେ କହିଛନ୍ତି, ‘ସମସ୍ୟାର ସମାଧାନ ହୋଇପାରିବ ନାହିଁ।’ ସ୍ଥାୟୀ ଆସନର ସମ୍ପ୍ରସାରଣ ପାଇଁ ଭାରତ, ବ୍ରାଜିଲ, ଜର୍ମାନୀ ଏବଂ ଜାପାନ ଚାହୁଁଛନ୍ତି। ସେମାନେ ୬ଟି ଅତିରିକ୍ତ ସ୍ଥାୟୀ ଏବଂ ଚାରିଜଣ ଅଣ-ସ୍ଥାୟୀ ସଦସ୍ୟଙ୍କ ସହିତ ପରିଷଦକୁ ୧୦ଟି ଆସନକୁ ବିସ୍ତାର କରିବାକୁ ଚାହୁଁଛନ୍ତି। ଜାତିସଂଘରେ ସମସ୍ତ ଦେଶ ସମାନ ସୁଯୋଗ ପାଇବା ଉଚିତ ବୋଲି ଶନିବାର ଦିନ ଭାରତ କହିଛି। ସେ ଏହା ମଧ୍ୟ କହିଛନ୍ତି ଯେ ଗ୍ଲୋବାଲ ସାଉଥରେ ଥିବା ଦେଶମାନଙ୍କୁ ଐତିହାସିକ ଭାବରେ ଅନ୍ୟାୟ କରାଯାଇଛି ଏବଂ ଏହାକୁ ତୁରନ୍ତ ସଂଶୋଧନ କରାଯିବା ଆବଶ୍ୟକ ରହିଛି।
ସେପଟେ ମିଳିତ ଜାତିସଂଘରେ ସୁରକ୍ଷା ପରିଷଦକୁ ନେଇ ଭାରତ ପୁଣି ଥରେ ଦୃଢ଼ ଆଭିମୁଖ୍ୟ ରଖିଛି। ଜାତିସଂଘର ସ୍ଥାୟୀ ପ୍ରତିନିଧୀ ରୁଚିରା କାମ୍ବୋଜ କହିଛନ୍ତି ଯେ ମିଳିତ ଜାତିସଂଘ ସୁରକ୍ଷା ପରିଷଦରେ ଭାରତ ପରିବର୍ତ୍ତନ ଆଣିବାକୁ ଚାହୁଁଛି। ଏହା ବ୍ୟତୀତ ଉଭୟ ସ୍ଥାୟୀ ଏବଂ ଅସ୍ଥାୟୀ ସଦସ୍ୟଙ୍କୁ ବିସ୍ତାର କରାଯିବା ଉଚିତ୍। ଶନିବାର ନ୍ୟୁୟର୍କରେ ସୁରକ୍ଷା ପରିଷଦ ସଂସ୍କାର ପ୍ରସଙ୍ଗରେ କମ୍ବୋଜ ତାଙ୍କ ଦାବି ଉପସ୍ଥାପନ କରିଛନ୍ତି। ଏଠାରେ କହି ରଖୁ ଯେ ଭାରତ ସମେତ ଅନେକ ଦେଶ ଅଛନ୍ତି ଯେଉଁମାନେ ଦୀର୍ଘ ଦିନ ଧରି ସୁରକ୍ଷା ପରିଷଦରେ ସଂସ୍କାର ଆଣିବାକୁ ଦାବି କରିଆସୁଛନ୍ତି। ତେବେ ଚୀନ୍ ଭଳି ଦେଶରେ ସେମାନେ ଏଥିରେ କୌଣସି ସଂସ୍କାର ଚାହୁଁ ନାହାଁନ୍ତି। ଦ୍ୱିତୀୟ ବିଶ୍ୱଯୁଦ୍ଧ ପରଠାରୁ କେବଳ ୫ ସ୍ଥାୟୀ ସଦସ୍ୟ ମିଳିତ ଜାତିସଂଘ ଉପରେ ପ୍ରାଧାନ୍ୟ ବିସ୍ତାର କରିଛନ୍ତି। ଏଥିରେ ଚୀନ୍, ଫ୍ରାନ୍ସ, ଋଷ, ବ୍ରିଟେନ ଏବଂ ଆମେରିକା ଅନ୍ତର୍ଭୁକ୍ତ। ଏଭଳି ପରିସ୍ଥିତିରେ ଅନେକ ଥର ଅନ୍ୟ ଦେଶର ମତକୁ ଅଣଦେଖା କରାଯାଏ। ଏହି ପ୍ରସଙ୍ଗରେ ଭାରତ ପୁଣି ଥରେ ପାଞ୍ଚ ଦେଶକୁ ତାଗିଦ କରିଛି। ଭାରତର ପ୍ରତିନିଧୀ କହିଛନ୍ତି ଯେ ଏହି ପାଞ୍ଚଟି ସ୍ଥାୟୀ ଦେଶ ହେତୁ ଅବଶିଷ୍ଟ ୧୮୮ଟି ଦେଶର ସହମତି କିମ୍ବା ମତଭେଦକୁ ଗୁରୁତ୍ୱ ଦିଆଯାଉ ନାହିଁ।
