ରାଜ୍ୟକୁ ଟିକା ବିକ୍ରି ପାଇଁ ମନା କରୁଛନ୍ତି ଫାଇଜର୍ ଓ ମଡେର୍ଣ୍ଣା, ଗ୍ଲୋବାଲ୍ ଟେଣ୍ଡରକୁ ଲାଗିପାରେ ଝଟକା

ନୂଆଦିଲ୍ଲୀ: ବିଦେଶରୁ ଟିକା ଆଣିବା ପାଇଁ ଗ୍ଲୋବାଲ୍ ଟେଣ୍ଡର ଡାକିଥିବା ରାଜ୍ୟଗୁଡ଼ିକୁ ଝଟକା ଲାଗିପାରେ । କାରଣ ଫାଇଜର୍ ଓ ମଡେର୍ଣ୍ଣା ଭଳି ଟିକା ନିର୍ମାତା କମ୍ପାନୀ ରାଜ୍ୟଗୁଡ଼ିକୁ ସିଧାସଳଖ ଟିକା ବିକ୍ରି କରିବାକୁ ମନା କରି ଦେଉଛନ୍ତି । ଅନିଚ୍ଛା ପ୍ରକାଶ କରିଛନ୍ତି ବିଦେଶ କମ୍ପାନୀ । ଏନେଇ ସୂଚନା ଦେଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ ।

ଅରବିନ୍ଦ କେଜ୍ରିଓ୍ୱାଲ କହିଛନ୍ତି, ଭ୍ୟାକସିନ୍ ପାଇଁ ଦିଲ୍ଲୀ ସରକାର ଫାଇଜର ଓ ମଡେର୍ଣ୍ଣା ସହ କଥା ହୋଇଥିଲେ । କିନ୍ତୁ ରାଜ୍ୟକୁ ସିଧାସଳଖ ଟିକା ବିକ୍ରି କରିବାକୁ ସଫା ସଫା ନା କରି ଦେଇଛନ୍ତି । ସେମାନେ କେନ୍ଦ୍ର ସରକାରଙ୍କ ସହ ଡିଲ୍ କରିବେ ବୋଲି କହିଛନ୍ତି । ବିଦେଶରୁ ଟିକା ଆମଦାନୀ କରି ରାଜ୍ୟଗୁଡ଼ିକ ମଧ୍ୟରେ ବାଣ୍ଟିବାକୁ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି କେଜ୍ରିଓ୍ୱାଲ ।

We’ve spoken to Pfizer, Moderna for vaccines, and both the companies have refused to sell vaccines directly to us. They have said that they will deal with the Government of India alone. Appeal to the Centre to import vaccines and distribute to the States: Delhi CM Arvind Kejriwal pic.twitter.com/aTKc67447w

— ANI (@ANI) May 24, 2021

ଯଦି ବିଦେଶ ଟିକା ନିର୍ମାତା କମ୍ପାନୀ ରାଜ୍ୟଗୁଡ଼ିକୁ ଗ୍ଲୋବାଲ ଟେଣ୍ଡରରେ ଟିକା ନଦେଲେ ୧୮-୪୪ ବର୍ଷ ବର୍ଗଙ୍କୁ ଟିକାକରଣରେ ସମସ୍ୟା ହୋଇପାରେ । ଏବେ କେବଳ ଗୋଟିଏ ବିଦେଶୀ ଟିକା ରୁଷର ସ୍ଫୁଟନିକ୍-ଭିକୁ ଜରୁରୀ ବ୍ୟବହାର ପାଇଁ ଅନୁମତି ଦେଇଛନ୍ତି କେନ୍ଦ୍ର ସରକାର । ବର୍ତ୍ତମାନ ଦେଶରେ ଟିକାକରଣରେ ସ୍ୱଦେଶୀ ଟିକା କୋଭାକ୍ସିନ ଓ କୋଭିସିଲ୍ଡ ବ୍ୟବହାର କରାଯାଉଛି ।