ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ସନ୍ଧ୍ୟାରେ ବିଜେପି ମୁଖ୍ୟାଳୟରେ ଯିବେ। ପଶ୍ଚିମବଙ୍ଗ, ତାମିଲନାଡୁ, ଆସାମ, କେରଳ ଏବଂ ପୁଡୁଚେରୀରେ ଅନୁଷ୍ଠିତ ବିଧାନସଭା ନିର୍ବାଚନର ଫଳାଫଳ ଘୋଷଣା ପରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ସେ ଦଳୀୟ କର୍ମୀଙ୍କୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି।
ଏହି ସମୟରେ ଦଳର ଅନେକ ପ୍ରମୁଖ ପଦାଧିକାରୀ ଏବଂ କର୍ମୀ ମଧ୍ୟ ଉପସ୍ଥିତ ରହିବେ। ପ୍ରଧାନମନ୍ତ୍ରୀ ମୋଦୀ ଏହି କାର୍ଯ୍ୟକ୍ରମରେ ଦଳର ବରିଷ୍ଠ ନେତା ଏବଂ କର୍ମୀମାନଙ୍କୁ ଭେଟିବେ ବୋଲି କୁହାଯାଉଛି। ଏଥିସହ ସେ କର୍ମୀମାନଙ୍କୁ ସମ୍ବୋଧିତ କରିବା ସହ ସେମାନଙ୍କ ମନୋବଳ ବୃଦ୍ଧି କରିବେ।
ଉଲ୍ଲେଖଯୋଗ୍ୟ, ବିଜେପି ବଙ୍ଗଳାରେ ପ୍ରଥମ ଥର ପାଇଁ ନିଜ ଦମରେ ବହୁମତ ହାସଲ କରିବା ଦିଗରେ ଅଗ୍ରସର ହେଉଛି।ଅଭିନେତାରୁ ରାଜନେତା ହୋଇଥିବା ବିଜୟଙ୍କ ଦଳ ଟିଭିକେ ଠାରୁ ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ହାରୁଥିବା ପରି ମନେ ହେଉଛି। ଯିଏକି ନିଜର ୧୫ ମନ୍ତ୍ରୀଙ୍କ ସହିତ ସଂଘର୍ଷ କରୁଛନ୍ତି। ଏଥିରୁ ଜଣାପଡୁଛି ଯେ ଡିଏମକେ ମଧ୍ୟ କ୍ଷମତା ହରାଇପାରେ।
ଦେଶର ପ୍ରାୟ ୧୯ ପ୍ରତିଶତ ଜନସଂଖ୍ୟା ରାଜନୈତିକ ପରିବର୍ତ୍ତନର ସମ୍ମୁଖୀନ ହେବେ। କେନ୍ଦ୍ରଶାସିତ ଅଞ୍ଚଳ ପୁଡୁଚେରୀ ସମେତ ପାଞ୍ଚଟି ରାଜ୍ୟରେ ନୂଆ ସରକାର ଗଠନ ହେବ। ଏପରି ପରିସ୍ଥିତିରେ ପ୍ରଧାନମନ୍ତ୍ରୀ ମୋଦି ଏବଂ ବିଜେପିର କାର୍ଯ୍ୟକ୍ରମକୁ ସମଗ୍ର ଦେଶ ପାଇଁ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।