ଜମ୍ମୁ-କଶ୍ମୀରରେ ସୁରକ୍ଷାକର୍ମୀଙ୍କ ସତର୍କତା ଯୋଗୁ ବଡ ଧରଣର ଆତଙ୍କବାଦୀ ଆକ୍ରମଣ ଉଦ୍ୟମ ବିଫଳ

ପୁଲୱାମା: ଭାରତୀୟ ସୁରକ୍ଷାକର୍ମୀଙ୍କ ସତର୍କତା ଓ ଗୋଇନ୍ଦା ବିଭାଗର ଆଲର୍ଟ ଯୋଗୁ ଜମ୍ମୁ-କଶ୍ମୀରର ପୁଲୱାମାରେ ଏକ ବଡ ଧରଣର ଆତଙ୍କବାଦୀ ଆକ୍ରମଣ ଷଡଯନ୍ତ୍ରକୁ ବିଫଳ କରି ଦିଆଯାଇଛି । ବିସ୍ଫୋରଣ ଘଟାଇବା ପାଇଁ ଆତଙ୍କବାଦୀମାନେ ୨୦କେଜିର ଆଇଡି ଗୋଟିଏ କାରରେ ରଖିଥିଲେ । ସୁରକ୍ଷାକର୍ମୀ ଗାଡିକୁ ଜବତ କରି ନିଛାଟିଆ ସ୍ଥାନରେ ବିସ୍ଫୋରଣ କରି ନଷ୍ଟ କରି ଦେଇଥିଲେ । ଏହାର ଭିଡିଓ ସାର୍ବଜନନୀ କରାଯାଇଛି । ତେବେ କାରର ଡ୍ରାଇଭର ଖସି ଯାଇଛି । ତାକୁ ଧରିବା ପାଇଁ ସର୍ଚ୍ଚ ଅପରେଶନ ଜାରି କରାଯାଇଛି । ରାଜପୋରା ଚେକ୍ ପଂଏଟରେ କାର ଅଟକିବା ବଦଳରେ ଖସି ପଳାଇବା ପାଇଁ ଚେଷ୍ଟା କରିଥିଲା । ସୁରକ୍ଷାକର୍ମୀ ଗୁଳିମାଡ କରିଥିଲେ । ଫଳରେ ଭୟରେ ଡ୍ରାଇଭର ଗାଡି ଛାଡି ପଳାଇ ଯାଇଥିଲା ।