ନୂଆଦିଲ୍ଲୀ: ବଲିଉଡ୍ର ଦିଗ୍ଗଜ ଅଭିନେତା ରାଜ୍ କପୁର। ଅଭିନୟ ପ୍ରତି ତାଙ୍କ ସମର୍ପଣ ଭାବ ଏବଂ କାର୍ଯ୍ୟ ଶୈଳୀ ତାଙ୍କୁ ଅନ୍ୟମାନଙ୍କଠାରୁ ଭିନ୍ନ କରୁଥିଲା। ତାଙ୍କ ଅଭିନୟର ଯାଦୁ କେବଳ ଦେଶ ନୁହେଁ ବିଦେଶରେ ମଧ୍ୟ ସ୍ବତନ୍ତ୍ର ପରିଚୟ ଦେଇଥିଲା। ତାଙ୍କ ସମୟରେ ଭାରତୀୟ ଚଳଚ୍ଚିତ୍ର ଶିଳ୍ପ ବିଦେଶରେ ମଧ୍ୟ ଭଲ ଖ୍ୟାତି ଅର୍ଜନ କରିଥିଲା। ୧୪ ଡିସେମ୍ବର ୧୯୨୪ରେ କିମ୍ବଦନ୍ତୀ ଅଭିନେତା ରାଜ କପୁରଙ୍କ ଜନ୍ମଗ୍ରହଣ କରିଥିଲେ। ଭିନ୍ନ ଢଙ୍ଗର ଚଳଚ୍ଚିତ୍ର ନିର୍ମାଣ କରିବା ଥିଲା ତାଙ୍କର ଆଉ ଏକ ପରିଚୟ। ଅନେକ ଲୋକ ତାଙ୍କ କାମରୁ ପ୍ରେରଣା ନେଇ ନଥିଲେ।
ଶୋ’ମାନ ରାଜ କପୁରଙ୍କୁ ତାଙ୍କ ସମୟର ସବୁଠାରୁ ପ୍ରଭାବଶାଳୀ ତଥା ଶକ୍ତିଶାଳୀ ଚଳଚ୍ଚିତ୍ର ଅଭିନେତା ତଥା ନିର୍ଦ୍ଦେଶକ ଭାବରେ ବିବେଚନା କରାଯାଉଥିଲା। ତାଙ୍କର କାର୍ଯ୍ୟ ଭାରତୀୟ ସିନେମାର ସବୁଠାରୁ ଶକ୍ତିଶାଳୀ କାର୍ଯ୍ୟ ବୋଲି ବିବେଚନା କରାଯାଏ।
ସେ ବିଭିନ୍ନ ଭୂମିକାରେ ଅଭିନୟ କରିଛନ୍ତି। ଏହି କାରଣରୁ ତାଙ୍କୁ ଅନେକ ପୁରସ୍କାରରେ ସମ୍ମାନିତ କରାଯାଇଥିଲା। ଏଥିରେ ତିନୋଟି ଜାତୀୟ ଚଳଚ୍ଚିତ୍ର ପୁରସ୍କାର ଏବଂ ୧୧ ଟି ଫିଲ୍ମଫେୟାର ପୁରସ୍କାର ରହିଛି। ରାଜ କପୁରଙ୍କ ଅଭିନୟ କ୍ୟାରିୟର ୧୦ ବର୍ଷ ବୟସରେ ଆରମ୍ଭ ହୋଇଥିଲା ଏହି ଚଳଚ୍ଚିତ୍ର ୧୯୪୫ ମସିହାରେ ଆସିଥିଲା। ଏହା ପରେ ସେ ୧୯୪୭ରେ ମସିହାରେ ନୀଲକମଲରେ ମଧୁବାଲାଙ୍କ ସହ ଫିଲ୍ମରେ କାମ କରିଥିଲେ। ତାପରେ ସେ ଆର୍.କେ ଷ୍ଟୁଡିଓ ନିର୍ମାଣ କରିଥିଲେ। ଏହି ଷ୍ଟୁଡିଓ ଦ୍ୱାରା ନିର୍ମିତ ପ୍ରଥମ ଚଳଚ୍ଚିତ୍ରଟି ଥିଲା ଆଗ୍। ଏହା ପରେ ୧୯୪୯ ମସିହାରେ ଫିଲ୍ମ ‘ବର୍ଷାତ୍’ ମୁକ୍ତିଲାଭ କରିଥିଲା ଯାହା ବକ୍ସ ଅଫିସରେ ସଫଳ ହୋଇଥିଲା।
ରାଜ କପୁରଙ୍କ ପ୍ରଥମ ସଫଳ ଚଳଚ୍ଚିତ୍ର ଥିଲା ‘ଅନ୍ଦାଜ୍’। ଏହି ଚଳଚ୍ଚିତ୍ରଟି ମେହବୁବ ଖାନଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା। ଏଥିରେ ଦିଲୀପ କୁମାର ଏବଂ ନର୍ଗିସଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା। ପରବର୍ତ୍ତୀ ଦଶନ୍ଧି ଧରି ସେ ଅନେକ ସଫଳ ଚଳଚ୍ଚିତ୍ରରେ କାମ କରିଥିଲେ। ‘ଆୱାରା’, ‘ଶ୍ରୀ ୪୨୦’ ଏବଂ ‘ଜିସ୍ ଦେଶ୍ ମୈ ଗଙ୍ଗା ବେହେତା ହୈ’ ରହିଥିଲା।
ରାଜ କପୁର ଅନେକ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ। ୭୦ ଏବଂ ୮୦ ଦଶକରେ ସେ ତାଙ୍କର ତିନି ପୁଅଙ୍କୁ ଲଞ୍ଚ କରିଥିଲେ। ରାଜ କପୁରଙ୍କର ୧୯୮୮ ମସିହାରେ ୬୩ ବର୍ଷ ବୟସରେ ଦେହାନ୍ତ କରିଥିଲେ।
କୁହାଯାଏ ଯେ ରାଜ କପୁର ଏବଂ ହ୍ରିଷିକେଶ ମୁଖାର୍ଜୀଙ୍କ ଘନିଷ୍ଠ ବନ୍ଧୁତା ଥିଲା। ହ୍ରିଷିକେଶ ରାଜ କପୁରଙ୍କଠାରୁ ଅନୁପ୍ରାଣୀତ ହୋଇ ଆନନ୍ଦଙ୍କ ଚରିତ୍ରଟିକୁ ନିର୍ମାଣ କରିଥିଲେ ଏବଂ ଯେଉଁଥିରେ ରାଜେଶ ଖାନ୍ନା ଖୁବ୍ ନିଖୁଣ ଭାବେ ଅଭିନୟ କରିଥିଲେ। ଆନନ୍ଦ ଚଳଚ୍ଚିତ୍ର ରାଜେଶ ଖାନ୍ନାଙ୍କ କ୍ୟାରିୟରର ଅନ୍ୟତମ ଉଜ୍ଜ୍ୱଳ ଚଳଚ୍ଚିତ୍ର ଭାବରେ ପରିଗଣିତ ହୁଏ।