ବ୍ରହ୍ମପୁର: ସରକାରୀ ବିଭାଗରେ ଚାକିରି ପ୍ରତିଶ୍ରୁତି ଦେଇ ପ୍ରାୟ ଦେଢ଼ କୋଟି ଟଙ୍କା ଠକେଇ ଅଭିଯୋଗରେ ଗଞ୍ଜାମ ଜିଲ୍ଲାର ବ୍ରହ୍ମପୁରରେ ଜଣେ ଦମ୍ପତିଙ୍କ ସମେତ ପାଞ୍ଚ ଜଣଙ୍କୁ ଗିରଫ କରାଯାଇଛି।
ଅଭିଯୁକ୍ତମାନେ ହେଲେ ଗୋପାଳପୁରର ଜଗଦୀଶ ବେହେରା ଏବଂ ତାଙ୍କ ସ୍ତ୍ରୀ ବନିତା ବେହେରା, ପୁରୀର ଅଜିତ ପଣ୍ଡା, କେନ୍ଦ୍ରାପଡ଼ାର ଶିଶିର କୁମାର ମିଶ୍ର ଏବଂ ଖୋର୍ଦ୍ଧାର ଲିଟୁ ସ୍ୱାଇଁ।
ଏକ ଅଭିଯୋଗ ଆଧାରରେ ବ୍ରହ୍ମପୁରର ବୈଦ୍ୟନାଥପୁର ପୋଲିସ ଜଗଦୀଶ ବେହେରା ଏବଂ ତାଙ୍କର ଚାରି ସହଯୋଗୀଙ୍କୁ ଗିରଫ କରି କୋର୍ଟ ଚାଲାଣ କରିଛି। ଅଭିଯୋଗ ଅନୁଯାୟୀ, ମନୋରଞ୍ଜନ ମହାନ୍ତି ନାମକ ଜଣେ ବ୍ୟକ୍ତି ବିଶ୍ୱାସ କରି ଅନେକ ଶିକ୍ଷିତ ବେକାର ପିଲାଙ୍କ ଠାରୁ ପ୍ରାୟ ଦେଢ଼ କୋଟି ଟଙ୍କା ଆଦାୟ କରି ଜଗଦୀଶ ବେହେରାଙ୍କୁ ଟଙ୍କା ଦେଇଥିଲା। ପ୍ରତିଶ୍ରୁତି ଅନୁଯାୟୀ ଚାକିରି ବ୍ୟବସ୍ଥା କରିବାରେ ବିଫଳ ହେବା ପରେ ସେ ପୋଲିସରେ ଅଭିଯୋଗ କରିଥିଲେ।
ତଦନ୍ତ ପରେ ପୋଲିସ ସମସ୍ତ ପାଞ୍ଚ ଅଭିଯୁକ୍ତଙ୍କୁ ଗିରଫ କରିଛି ଏବଂ କିଛି ନକଲି ନିଯୁକ୍ତି ପତ୍ର, ଟଙ୍କା ରସିଦ ଏବଂ ଡକ୍ୟୁମେଣ୍ଟ ଜବତ କରିଛି।
Comments are closed.