ଗଦଧର ସାହୁ 
ଟୁଆଁ ଟୁଇଁ ଗପ
ସପନ ହେଲାଣି
ଟୁଇଁଙ୍କିଲି ଟୁଇଁଙ୍କିଲି ପାଇଁ,
ଜେଜି ମାଆ ସ୍ଵର
ନୀରବି ଯାଇଛି
ଜରା ନିବାସରେ ରହି ।
ଘରକୁ ବୈକୁଣ୍ଠ
ପୁର କରିଥିଲା
ସେନେହ ମମତା ଦେଇ,
ସେ କଥା ଉତ୍ତର
ଆଜି ସେ ଖୋଜଇ
ଦୂର ବୃଦ୍ଧାଶ୍ରମେ ରହି ।
ଗପ ଜଣା ଥିଲା
ଗପି ପାରୁ ନାହିଁ
ନାତି କି ନାତୁଣୀ ନାହିଁ,
ଶେଷ ସମୟରେ
ନିଜ ଘର ଲୋକ
ସାତପର ଗଲେ ହୋଇ ।
କାହାକୁ କହିବ
କିଏ ସେ ବୁଝିବ
ତା ମନ ଗହନ ବ୍ୟଥା,
ଜରାଶ୍ରମ କାନ୍ଥେ
ଲୁହରେ ଲେଖିଛି
ତା ଶେଷ ଜୀବନ ଗାଥା ।
ବୟଷ ସରିଲେ
ଯଦି ଆସିପାର
ତା ପଥେ ପଥିକ ହୋଇ,
ତାକୁ ନ ପାଇଲେ
କାନ୍ଥରେ ପଢିବ
ଯାହା ନ ପାରିଛି କହି ।
ବ୍ରହ୍ମଗିରି