‘ଜନତା କର୍ଫ୍ୟୁ’କୁ ସମର୍ଥନ: ଶାହିନ ବାଗରୁ ହଟିଲେ ବିକ୍ଷୋଭକାରୀ

ନୂଆଦିଲ୍ଲୀ: ଆଜି ଦେଶବ୍ୟାପୀ ପାଳନ ହେଉଛି ଜନତା କର୍ଫ୍ୟୁ । ଚାରିଆଡେ ଏହାର ପ୍ରଭାବ ଦେଖିବାକୁ ମିଳିଛି । ସେହିପରି ଜନତା କର୍ଫ୍ୟୁର ପ୍ରଭାବ ରାଜଧାନୀ ଦିଲ୍ଲୀର ଶାହିନ ବାଗରେ ମଧ୍ୟ ଦେଖିବାକୁ ମିଳିଛି । ପ୍ରଧାନମନ୍ତ୍ରୀଙ୍କ ଆହ୍ୱାନକୁ ସମର୍ଥନ କରି ଆଜି ଆନ୍ଦୋଳନ ସ୍ଥଳରୁ ବିକ୍ଷୋଭକାରୀମାନେ ହଟି ଯାଇଛନ୍ତି ।
ଏଠାରେ ମାତ୍ର ୫ଜଣ ମହିଳା ଉପସ୍ଥିତ ଅଛନ୍ତି । ମହିଳାଙ୍କ ସୁରକ୍ଷା ପାଇଁ ସମସ୍ତ ପ୍ରକାର ବନ୍ଦୋବସ୍ତ କରାଯାଇଛି । ବିକ୍ଷୋକାରୀ ମହିଳାଙ୍କୁ ପୋଲିସ ସମ୍ପୂର୍ଣ୍ଣ ଢ଼ାଙ୍କି ହେଉଥିବା ସୁଟ୍ ପିନ୍ଧିବାକୁ ପରାମର୍ଶ ଦେଇଛି । ସେପଟେ ସାଂକେତିକ ରୂପେ ଧାରଣା ସ୍ଥଳରେ ବିକ୍ଷୋଭକାରୀମାନେ ସେମାନଙ୍କ ଜୋତା ଓ ଚପଲ ଛାଡି ଯାଇଛନ୍ତି ।
ସୂଚନାମୁତାବକ, କେନ୍ଦ୍ର ସରକାରଙ୍କ ନାଗରିକତା ସଂଶୋଧନ ଆଇନ ବା ସିଏଏ, ଏନ୍‌ଆର୍‌ସି ଏନ୍‌ପିଆର୍‌କୁ ବିରୋଧ କରି ଗତ ଶହେରୁ ଅଧିକ ଦିନ ହେବ ଏଠାରେ ବିକ୍ଷୋଭକାରୀମାନେ ଆନ୍ଦୋଳନ କରୁଛନ୍ତି ।