ଭୁବନେଶ୍ୱର: ଚଳିତ ଓଡିଶା ମହିଳା ଲିଗ୍ ଫୁଟବଲରେ ଗୁରୁବାର ମୁକାବିଲାରେ ସାଇ-ଏସଟିସି ୨-୧ ଗୋଲରେ ଓଡିଶା ପୋଲିସକୁ ପରାସ୍ତ କରିଛି । ଏହି ମ୍ୟାଚ କ୍ୟାପିଟାଲ ଗ୍ରାଉଣ୍ଡରେ ଖେଳା ଯାଇଥିଲା । ବିଜୟୀ ଦଳ ପକ୍ଷରୁ ୩୬ତମ ମିନିଟରେ ଦୀପା ନାୟକ ଓ ଗୁଡିୟା କୁମାରୀ ୯୦ତମ ମିନିଟରେ ଗୋଲ ସ୍କୋର କରିଥିଲେ । ଓଡିଶା ପୋଲିସ ପକ୍ଷରୁ ୮୨ତମ ମିନିଟରେ ଜ୍ୟୋତ୍ସ୍ନା ମଲ୍ଲିକ ଏକମାତ୍ର ଗୋଲଟି ଦେଇଥିଲେ । ଦୀପା ନାୟକ ପ୍ଲେୟାର ଅଫ ଦି ମ୍ୟାଚ ବିବେଚିତ ହୋଇଥିଲେ ।
ଚିତ୍ରମ୍ବଦା ପାତ୍ର, ଦୁର୍ଗାମାଧବ ଆଚାର୍ଯ୍ୟ, ସୁଲତାନ ପରୱିନ, ବିଚିତ୍ରା ପ୍ରଧାନ, ଦୁର୍ଗା ମାଧବ ନାଏକ ଓ ସୁଦୀପ୍ତା ଦାସ ମ୍ୟାଚ ପରିଚାଳନା କରିଥିଲେ ।
ଶନିବାର(୬-୩-୨୧): ପ୍ରଥମ ମ୍ୟାଚ-ଓଜିପି ବନାମ ସାଇ-ଏସଟିସି(କଳିଙ୍ଗ ଷ୍ଟାଡିୟମ) । ଦ୍ୱିତୀୟ ମ୍ୟାଚ ରେଲୱେ -ରାଇଜିଂ ଷ୍ଟୁଡେଂଟ କ୍ଲବ (କ୍ୟାପିଟାଲ ଗ୍ରାଉଣ୍ଡ) ।
Comments are closed.