ବଲାଙ୍ଗିର: ଗଛରେ ନୁହେଁ, ଝରକାରେ ଗାମୁଛା ବାନ୍ଧି ଝୁଲି ପଡିଥିଲେ ଗୋବିନ୍ଦ । ଆତ୍ମହତ୍ୟା କରିବା ସମୟରେ ଜଣେ କଏଦୀ ଦେଖିଥିଲେ । ସେ ପାଟି କରି ଅନ୍ୟମାନଙ୍କୁ ମଧ୍ୟ ଡାକିଥିଲେ। ପ୍ରାଥମିକ ତଦନ୍ତ ରିପୋର୍ଟରେ ଏମିତି କିଛି ତଥ୍ୟ ସାମ୍ନାକୁ ଆସିଛି । ଆସିଛି ଗୋବିନ୍ଦ ସାହୁ ଆତ୍ମହତ୍ୟା ଘଟଣାର ପ୍ରାଥମିକ ତଦନ୍ତ ରିପୋର୍ଟ । ରିପୋର୍ଟ ପ୍ରଦାନ କରିଛନ୍ତି ସମ୍ବଲପୁର ଜେଲ ଡିଆଇଜି ଅନୁସୂୟା ଜେନା । ହେଡ କ୍ୱାଟର ଜେଲ ଡିଆଇଜି ଶୁଭକାନ୍ତ ମିଶ୍ରଙ୍କ ନିକଟକୁ ଆସିଲା ୪ ପୃଷ୍ଠା ସମ୍ବଳିତ ତଦନ୍ତ ରିପୋର୍ଟ।
ପାରିପାର୍ଶ୍ଠିକ ସ୍ଥିତିକୁ ଦେଇ ପ୍ରସ୍ତୁତ କରାଯାଇଛି ତଦନ୍ତ ରିପୋର୍ଟ । ଏହି ରିପୋର୍ଟରେ ରହିଛି ଗୋବିନ୍ଦ ସାହୁ ମୃତ୍ୟୁର ବିଭିନ୍ନ ଦିଗ । ଗୋବିନ୍ଦ ସାହୁ କେମିତ ଆତ୍ମହତ୍ୟା କଲା, ଆତ୍ମହତ୍ୟା ସମୟରେ କିଏ କିଏ ଉପସ୍ଥିତ ଥିଲେ ସେ ନେଇ ସବିଶେଷ ତଥ୍ୟ ରହିଛି ତଦନ୍ତ ରିପୋର୍ଟରେ । ୱାଡର ଅକ୍ଷୟ ମହାନ୍ତିଙ୍କ ଅବହେଳା ଯୋଗୁଁ ଏଭଳି ଘଟଣା ଘଟିଥିବା ରିପୋର୍ଟରେ କୁହାଯାଇଛି। ଏହି ଘଟଣା ପରେ ୱାଡର ଅକ୍ଷୟ ମହାନ୍ତିଙ୍କୁ ନିଲମ୍ବନ କରାଯାଇଛି।
ରିପୋର୍ଟରେ କୁହାଯାଇଛି, ଗୋବିନ୍ଦ ସାହୁ ଗତକାଲି ଦିନ ସାଢେ ଦଶଟାରୁ ୧୧ଟା ମଧ୍ୟରେ ଆତ୍ମହତ୍ୟା କରିଥିଲେ । ସେ ଝରକାରେ ଗାମୁଛା ଦେଇ ଆତ୍ମହତ୍ୟା କରିଛନ୍ତି । ଆତ୍ମହତ୍ୟା କରିବା ସମୟରେ ଜଣେ କଏଦୀ ଦେଖିଛନ୍ତି। ସେ ପାଟି କରି ଅନ୍ୟମାନଙ୍କୁ ଡାକିଛନ୍ତି। ଏ ବିଷୟରେ ମଧ୍ୟ ରିିପୋର୍ଟରେ କୁହାଯାଇଛି ।
ମମିତା ମେହେର ହତ୍ୟାକାଣ୍ଡ ଘଟଣାର ମୁଖ୍ୟ ଅଭିଯୁକ୍ତ ଗୋବିନ୍ଦ ମେହର କଣ୍ଟାବାଞ୍ଜି ଜିଲ୍ଲାରେ ଗତକାଲି ଆତ୍ମହତ୍ୟା କରିଛନ୍ତି । ଏହା ଆତ୍ମହତ୍ୟା ନୁହେଁ ବରଂ ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି କହିଛନ୍ତି ବିରୋଧୀ । ଏପରି କି ଗୋବିନ୍ଦଙ୍କ ପତ୍ନୀ ମଧ୍ୟ ଗୋବିନ୍ଦଙ୍କୁ ଏକ ହତ୍ୟା କରାଯାଇଛି ବୋଲି କହିଛନ୍ତି ।
