ଭୁବନେଶ୍ୱର: ବିଶୋଧନ ହେଲା ଲୋକସେବା ଭବନ । କ୍ଲୋରିନ ପାଣିରେ ପୁରା ଲୋକସେବା ଭବନକୁ ପରିଷ୍କାର କରାଗଲା । ଆସନ୍ତାକାଲି ଲୋକସେବା ଭବନରେ ଗୋଟିଏ ଦିନ ପାଇଁ ବିଧାନସଭାର ସ୍ୱତନ୍ତ୍ର ଅଧିବେଶନ ବସିବ । ତେଣୁ ଏହା ପୂର୍ବରୁ ଲୋକସେବା ଭବନକୁ ସାନିଟାଇଜ କରାଯାଇଛି ।
ଓଡ଼ିଶା ଅଗ୍ନିଶମ ସେବା କର୍ମଚାରୀମାନେ ଆଜି ଲୋକସେବା ଭବନକୁ ପୁରା ସଫା କରିଛନ୍ତି । ଲୋକସେବା ଭବନର ସମସ୍ତ କାନ୍ଥ, ଗେଟ, ପ୍ରବେଶ ପଥ ଏବଂ ପୁରା ପରିସରକୁ କ୍ଲୋରିନ୍ ପାଣିରେ ସଫା କରାଯାଇଛି ।
ଓଡ଼ିଶାର ତୃତୀୟ କରୋନା ଆକ୍ରାନ୍ତ ବିଧାନସଭା ପରିସରରେ ଥିବା ଡିସପେନସରୀକୁ ଯିବା ପରେ ବିଧାନସଭାକୁ ବନ୍ଦ ଘୋଷଣା କରିଥିଲେ ବାଚସ୍ପତି । କର୍ମଚାରୀଙ୍କୁ କ୍ୱାରେଣ୍ଟାଇନରେ ରହିବାକୁ ନିର୍ଦ୍ଦେଶ ଦେବା ସହ ଲୋକସେବା ଭବନରେ ସ୍ୱତନ୍ତ୍ର ଅଧିବେଶନ କରିବାକୁ ନିଷ୍ପତି ନିଆଯାଇଥିଲା ।
Comments are closed.