ଗଦାଧର ସାହୁ 
ବଢୁଅଛି ଖରା
ବଢୁଅଛି ତାତି
ବହୁଛି ଝାଞ୍ଜି ପବନ,
ତଣ୍ଟି ପାଟି ଆମ
ସୁଖି ସୁଖି ଯାଏ
ପାଣି ପିଇବାକୁ ମନ ।
ଦେହରୁ ବହୁଛି
ଝାଳ ଗମ୍ ଗମ୍
ମୁଣ୍ଡ ମାରିଯାଏ ଝାଇଁ,
ଛାଇ ଦେଖି ଦଣ୍ଡେ
ବିଶ୍ରାମ ଘେନିବୁ
ପାଣି ପିଅ ମୁହଁ ଧୋଇ ।
ଘୋଳଦହି କାଞ୍ଜି
ତୋରାଣି ପିଇବ
ଲେମ୍ବୁ ଲୁଣ ସରବତ,
ତରଭୁଜ ଖାଇ
ପଇଡ ପିଇବ
ଜଳିୟ ଅଂଶ ବହୁତ ।
ମୁଣ୍ଡରେ ପଗଡି
ହାତେ ଧରି ଛତା
ପାଦରେ ଚପଲ ପିନ୍ଧି,
ଜରୁରୀ କାମରେ
ଘରୁ ଯାଇପାର
ନହେଲେ ଗୃହରେ ବନ୍ଦି।
ବେଶି ଝାଳ ବୋହି
ଝାଇଁ ମାରିଗଲେ
ନକରିବ କେବେ ଡେରି,
ଡାକ୍ତରଖାନାକୁ
ଅତି ଶୀଘ୍ର ନେବ
ଜୀବ ନଯିବ କାହାରି ।
ଏତିକି ସତର୍କ
ଗ୍ରୀଷ୍ମେ ଆମେ ହେବା
ଧଳା ସୁତା ବସ୍ତ୍ର ପିନ୍ଧି,
ଅଂଶୁଘାତ ସଦା
ଆମକୁ ଡରିବ
ଆମେ ଦେବା ତାକୁ ବାନ୍ଧି।
Comments are closed.