ଭୁବନେଶ୍ୱର: ଆଉ ଦୁଇଦିନ ପରେ ମହା ଶିବରାତ୍ରୀ । ଶନିବାର ହେବାକୁ ଥିବା ଜାଗର ପାଇଁ ପ୍ରଭୁ ଲିଙ୍ଗରାଜ ମନ୍ଦିର ପକ୍ଷରୁ ପ୍ରସ୍ତୁତି ଶେଷ ହୋଇଛି । ଏଥିପାଇଁ ପ୍ରଭୁ ଲିଙ୍ଗରାଜଙ୍କ ନୀତି ନିର୍ଘଣ୍ଟ ମଧ୍ୟ ମନ୍ଦିର ପ୍ରଶାସନ ପକ୍ଷରୁ ସ୍ଥିର ହୋଇଛି । କେତେବେଳେ ହେବ ଦର୍ଶନ, କେତେବେଳେ ଉଠିବ ମହାଦୀପ ଆସନ୍ତୁ ଜାଣିବା ।
ସୂଚନା ମୁତାବକ, ରାତି ୧୦ଟାରେ ମହାଦୀପ ଉଠିବ । ଏହାପରେ ଭକ୍ତିମାନେ ରାତି ୧୦ଟାରୁ ରାତି ୧୧ଟା ପର୍ଯ୍ୟନ୍ତ ସାହାଣମେଲା ଦର୍ଶନ କରିପାରିବେ ।
ରାତି ୩ଟାରୁ ପ୍ରଭୁଙ୍କର ମଙ୍ଗଳ ଆଳତୀ ଓ ଅବକାଶ ନୀତି କରାଯିବ । ଏହାପରେ ଭୋର ସାଢେ ୩ଟାରୁ ୧୧ଟା ଯାଏଁ ସାହାଣ ମେଲାଦର୍ଶନ ହେବ । ମଧ୍ୟାହ୍ନ ୧୨ଟାରେ ମହାସ୍ନାନ ହେବ ଏବଂ ଅପରାହ୍ନ ୩.୪୫ରୁ ୪.୪୫ ପର୍ଯ୍ୟନ୍ତ ପୁଣି ଘଣ୍ଟାଏ ଧରି ସାହାଣମେଲା ଦର୍ଶନ ହେବ । ସନ୍ଧ୍ୟା ୭ଟାରେ ଶ୍ରୀଜୀଉଙ୍କ ପହୁଡ ପଡିବ । ସନ୍ଧ୍ୟା ଆଳତୀ, ମାଜଣା ଓ ଯାତ୍ରା ପୂଜା ହେବା ପରେ ରାତି ୧୦ଟାରେ ମହାଦୀପ ଉଠିବ ।
Comments are closed.