ନ୍ୟୁୟର୍କ: ଟେନିସକୁ ଅଲବିଦା କହିବାକୁ ଯାଉଛନ୍ତି ବିଶ୍ୱର ମହାନ ମହିଳା ଟେନିସ ଖେଳାଳି ସେରେନା ୱିଲିୟମ୍ସ । ଆମେରିକାର ଏହି ୪୦ ବର୍ଷୀୟା ଷ୍ଟାର ଖେଳାଳି ୟୁଏସ ଓପନ ପରେ ଟେନିସରୁ ଅବସର ନେବେ ବୋଲି ପ୍ରଶଂସକଙ୍କୁ ଜଣାଇଛନ୍ତି । ଅଗଷ୍ଟ ୨୯ରୁ ୟୁଏସ ଓପନ ଆରମ୍ଭ ହେବ । ଭୋଗ୍ୟୁ ପତ୍ରିକାରେ ସେପ୍ଟେମ୍ବର ସଂସ୍କରଣରେ ସେ ଏ ସମ୍ପର୍କରେ କହିଛନ୍ତି । ୨୩ ଥର ଗ୍ରାଣ୍ଡସ୍ଲାମ ଜିତିଥିବା ଏହି ଖେଳାଳି ଏବେ ପରିବାର ପ୍ରତି ଅଧିକ ସମୟ ଦେବାକୁ ଚାହୁଁଥିବା ସ୍ପଷ୍ଟ କରିଛନ୍ତି । ୬ଥର ୟୁଏସ ଓପନ ଜିତି ସେ କ୍ରିସ ଏଭର୍ଟଙ୍କ ରେକର୍ଡର ସମକକ୍ଷ ହୋଇଛନ୍ତି । ଓଭରାଲ ସେ ୟୁଏସ ଓପନରେ ୧୦୬ ମ୍ୟାଚ ଜିତିଥିବା ବେଳେ ୧୪ରେ ପରାଜୟବରଣ କରିଛନ୍ତି । ଟେନିସରୁ ଅବସର ନେବା କଥା ମୁଁ କେବେ ଚିନ୍ତା କରି ନ ଥିଲି ମାତ୍ର ଏବେ ଏହାର କାଂଉଟ ଡାଉନ ଆରମ୍ଭ ହୋଇଯାଇଛି ।
Comments are closed.