ମୁମ୍ବାଇ: ଭେଟେରାନ୍ ଅଭିନେତ୍ରୀ ଶବାନା ଆଜମୀ ଅମିତାଭ ବଚ୍ଚନଙ୍କ ୮୦ତମ ଜନ୍ମଦିନ ଅବସରରେ ଫିଲ୍ମ ହେରିଟେଜ୍ ଫାଉଣ୍ଡେସନର ଚଳଚ୍ଚିତ୍ର ‘ଫେଷ୍ଟିଭାଲ୍ – ବଚ୍ଚନ ବ୍ୟାକ୍ ଟୁ ଦ ବିଗିନିଂ’ରେ ଯୋଗ ଦେଇଥିଲେ। ଏହି ଫିଲ୍ମ ଫାଉଣ୍ଡେସନ ୪ ଦିନ ଧରି ଚାଲିବ। ଏହି କାରଣରୁ ଶନିବାର ମୁମ୍ବାଇର ଜୁହୁସ୍ଥିତ PVR ରେ ଅମିତାଭ ବଚ୍ଚନଙ୍କ ଚଳଚ୍ଚିତ୍ର ‘ଡନ୍’ ସମେତ ଅନେକ ଫିଲ୍ମ ପ୍ରଦର୍ଶିତ ହୋଇଥିଲା। ଶବାନା ଆଜମୀ ମଧ୍ୟ ସ୍କ୍ରିନିଂରେ ଯୋଗ ଦେଇଥିଲେ ଏବଂ ଇନଷ୍ଟାଗ୍ରାମରେ ଥିଏଟରରୁ ଏକ ଭିଡିଓ ପୋଷ୍ଟ ସେୟାର କରିଥିଲେ। ଏକ ଚଳଚ୍ଚିତ୍ରର ସ୍କ୍ରିନିଂ କିପରି କନ୍ସର୍ଟରେ ପରିଣତ ହେଲା ତାହା ଏହି ପୋଷ୍ଟ ମାଧ୍ୟରେ ଲେଖିଥିଲେ।
ଶବାନା ଆଜମୀ ସେୟାର କରିଥିବା ଭିଡିଓରେ ପ୍ରଶଂସକମାନେ ଡନ୍ ଫିଲ୍ମର ଗୀତକୁ ପ୍ରଶଂସା କରିବା ସହିତ ଫିଲ୍ମର ଗୀତ ଗାଉଥିବାର ଦେଖିବାକୁ ମିଳିଥିଲା। ଏହାକୁ ‘ଆଶ୍ଚର୍ଯ୍ୟଜନକ’ ବୋଲି ବର୍ଣ୍ଣନା କରିଥିଲେ ଶବାନା ଆଜମୀ। ସଲିମ-ଜାଭେଦ୍ ଏବଂ ଅମିତାଭ ବଚ୍ଚନ ଫିଲ୍ମ ହେରିଟେଜ୍ ଫାଉଣ୍ଡେସନ୍ ଏବଂ PVR ସିନେମାକୁ ଧନ୍ୟବାଦ ଜଣାଇଛନ୍ତି ଶବାନା ଆଜମୀ । ଅଭିନେତ୍ରୀ ଶବାନା ଏହି ଭିଡିଓ ପୋଷ୍ଟ କରିବା ପରେ ଦିବ୍ୟା ଦତ୍ତ ମଧ୍ୟ ଏଥିରେ ମନ୍ତବ୍ୟ ଦେଇଛନ୍ତି। ସେ ମଧ୍ୟ ସେଠାରେ ଉପସ୍ଥିତ ଥିଲେ ଏବଂ ତାଙ୍କୁ ବହୁତ ପସନ୍ଦ ମଧ୍ୟ ଆସିଥିଲା। ଏଥିସହିତ ଡେଲନାଜ ଇରାନୀ ମଧ୍ୟ ମନ୍ତବ୍ୟ ଦେଇଛନ୍ତି।
ସଲିମ ଖାନ ଏବଂ ଜାଭେଦ ଅଖତରଙ୍କ ଦ୍ୱାରା ଲିଖିତ ଅମିତାଭ ବଚ୍ଚନଙ୍କ ଫିଲ୍ମ ଡନ୍ ସେହି ଯୁଗର ସବୁଠାରୁ ବଡ ହିଟ୍ ବୋଲି ପ୍ରମାଣିତ ହୋଇଥିଲା। ଜାଭେଦ ଅଖତର ଏବଂ ସଲିମ ଖାନ ସାହାବଙ୍କ ଯୋଡି ହିଁ ଅମିତାଭଙ୍କ ମାଧ୍ୟମରେ ଭାରତକୁ ଏଙ୍ଗ୍ରୀୟୋଙ୍ଗ ମ୍ୟାନ ରୂପ ଦେଇଥିଲେ। ଏହି ଚଳଚ୍ଚିତ୍ରଟି ବିଗ୍ ବି ଚଳଚ୍ଚିତ୍ର କ୍ୟାରିୟରର ଏକ ବ୍ଲକବଷ୍ଟର ଚଳଚ୍ଚିତ୍ର। ୧୯୭୮ ମସିହାରେ ମୁକ୍ତିଲାଭ କରିଥିବା ଚଳଚ୍ଚିତ୍ର ‘ଡନ୍’କୁ ଚନ୍ଦ୍ର ବରୋଟ୍ ନିର୍ଦ୍ଦେଶନା ଦେଇଥିଲେ। ଏଥିରେ ଅମିତାଭ ବଚ୍ଚନଙ୍କୁ ଜିନତ ଅମାନ ଏବଂ ପ୍ରାଣ ସମର୍ଥନ କରିଥିଲେ। ସୂଚନା ଥାଉକି ଅମିତାଭ ବଚ୍ଚନଙ୍କ ଜନ୍ମଦିନ ଅବସରରେ ‘ବଚ୍ଚନ ବ୍ୟାକ୍ ଟୁ ଦି ବିଗିନିଂ’ ଅକ୍ଟୋବର ୧୧ ତାରିଖ ପର୍ଯ୍ୟନ୍ତ ଚାଲିବ। ଏଥିରେ ମୁମ୍ବାଇ, ଦିଲ୍ଲୀ, କୋଲକାତା, ବେଙ୍ଗାଲୁରୁ, ହାଇଦ୍ରାବାଦ, ଅହମ୍ମଦାବାଦ, ସୁରଟ, ବଡୋଦା, ରାୟପୁର, କାନପୁର, କୋଲହାପୁର, ଇନ୍ଦୋର ଏବଂ ଅମିତାଭ ବଚ୍ଚନଙ୍କ ସହର ଆହ୍ଲାବାଦରେ ୧୭୨ଟି ଶୋ’ଏବଂ ୩୦ଟି ପରଦାରେ ଶୋ ଚାଲିଛି।