ଅନୁଗୋଳ: ବାଡ଼ିରେ ଏମେତେଣେ ବୁଲୁବୁଲୁ ବିଅର୍ କେନରେ ମୁଣ୍ଡ ପୂରାଇ ଦେଲା ଢମଣା ସାପ । ଛଟପଟ ହେଉଥିଲା । ଲୋକ ଦେଖି ସ୍ନେକ ହେଲପ ଲାଇନ ସଦସ୍ୟକୁ ଖବର ଦେଲେ । ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ ବାଗଡ଼ିଆ ଗାଁରେ ଏହି ଘଟଣା ଦେଖିବାକୁ ମିଳିଥିଲା । ଗାଁର ଉମାକାନ୍ତ ବେହେରାଙ୍କ ବାଡିରେ ପଡ଼ିଥିବା ଏକ ବିଅର୍ କେନ୍ ଭିତରେ ମୁଣ୍ଡ ପୂରାଇ ଦେଇଥିଲା ଢମଣା ସାପ ।
ସାପଟି ବିଅର୍ କେନ୍ ଭିତରୁ ଆଉ ମୁଣ୍ଡକୁ ବାହାର କରି ପାରି ନଥିଲା । ଏପଟ ସେପଟ ହୋଇ ଭାରି କଷ୍ଟ ପାଉଥିଲା । ଘଟଣା ସମ୍ପର୍କରେ ଖବର ପାଇଁ ପହଞ୍ଚିଥିଲେ ସ୍ନେକ ହେଲପ ଲାଇନ୍ ସଦସ୍ୟ ହିମାଂଶୁ ଶେଖର ଦେହୁରୀ । ବେଶ ସତର୍କତାର ସହ ଆରମ୍ବ କରିଥିଲେ ଉଦ୍ଧାର କାମ । ଏକ କଇଁଚି ଜରିଆରେ ପ୍ରଥମେ ବିଅର କେନକୁ ଧିରେ ଧିରେ କାଟିଥିଲେ ।
ପରେ ମୃତ୍ୟୁ ଫାଶରୁ ମୁକୁଳି ଥିଲା ଢମଣା । ତେବେ ସୌଭାଗ୍ୟବଶତଃ ସାପ ବେକରେ କୌଣସି ପ୍ରକାର ଆଘାତ ଲାଗିନଥିଲା । ଏହି ସାପ ଲମ୍ବ ପାଖାପାଖ୍ ସାଢ଼େ ୫ ଫୁଟ ହେବ । ତାକୁ ଉଦ୍ଧାର କରି ସୁରକ୍ଷିତ ସ୍ଥାନରେ ଛାଡ଼ି ଦେଇଥିଲେ ହିମାଂଶୁ ଦେହୁରୀ ।
Comments are closed.