ଭୁବନେଶ୍ୱର: ଚନ୍ଦକା ନିକଟରେ ଏସଓଜି ଯବାନଙ୍କ ଟ୍ରେନିଂ ଚାଲିଥିବା ବେଳେ ଅଘଟଣ ଘଟିଛି । ମଙ୍ଗଳବାର ଏକ ହ୍ୟାଣ୍ଡ୍ ଗ୍ରେନେଡ ଫୁଟି ଯିବାରୁ ଜଣେ ଯବାନଙ୍କର ମୃତ୍ୟୁ ହୋଇଛି । ଏଥି ସହ ଅନ୍ୟ ଦୁଇ ଜଣ ଆହତ ହୋଇଛନ୍ତି ।
ମୃତକଙ୍କ ନାଁ ପ୍ରକାଶ ସାହୁ ବୋଲି ଜଣାପଡିଛି । ସେ ବରଗଡ ଜିଲ୍ଲାରେ ଏସଓଜି ହାବିଲଦାର ଭାବେ କାମ କରୁଥିଲେ । ଆହତମାନଙ୍କୁ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ, ଆଜି ସକାଳେ ପ୍ରକାଶ ହ୍ୟାଣ୍ଡ୍ ଗ୍ରେନେଡର ବ୍ୟବହାର ନେଇ ତାଲିମ ଦେଉଥିଲେ । ଜଣେ କ୍ୟାଡେଟଙ୍କ ହାତରେ ହ୍ୟାଣ୍ଡ୍ ଗ୍ରେନେଡ ଫୁଟିବାକୁ ଯାଉଥିବା ବେଳେ ପ୍ରକାଶ ତାଙ୍କୁ ବଞ୍ଚାଇବାକୁ ଯାଇ ଏହି ଦୁର୍ଘଟଣାର ଶିକାର ହୋଇଥିଲେ । ଏ ନେଇ ଏକ ମାମଲା ରୁଜୁ ହୋଇ ତଦନ୍ତ ଚାଲିଥିବା ଜଣାପଡିଛି ।
Comments are closed.