ମୁମ୍ବାଇ: ସାଉଥ ସୁପରଷ୍ଟାର ରାମ ଚରଣ ଖୁବ୍ ଶୀଘ୍ର ବାପା ହେବାକୁ ଯାଉଛନ୍ତି । ନିକଟରେ ଦୁବାଇରେ ତାଙ୍କ ପତ୍ନୀ ଉପାସନାଙ୍କ ଗୋଦ ଭରାଇ କାର୍ଯ୍ୟକ୍ରମ ରୀତିନୀତି ଅନୁସାରେ ଅନୁଷ୍ଠିତ ହୋଇଯାଇଛି । ବିବାହର ୧୦ ବର୍ଷ ପରେ ରାମଚରଣ ବାପା ହେବାକୁ ଯାଉଥିବାରୁ ଉଭୟ ଖୁସି ଥିବା ଦେଖିବାକୁ ମିଳିଛି । ଏହି କାର୍ଯ୍ୟକ୍ରମରେ ଉପାସନା ଏକ ଧଳା ରଙ୍ଗର ଡ଼୍ରେସ ପିନ୍ଧିବା ସହ ଏକ ଚଷମା ପିନ୍ଧିଛନ୍ତି, ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଛନ୍ତି ।
ଗତ ଡିସେମ୍ବରରେ ତାଙ୍କ ପତ୍ନୀ ଉପାସନାଙ୍କ ଗର୍ଭଧାରଣ ବିଷୟରେ ଅଭିନେତା ରାମଚରଣ ସୋସିଆଲ ମିଡ଼ିଆରେ ସେୟାର କରିଥିଲେ । ରାମ ଚରଣ ‘ନାଟୁ-ନାଟୁ’ ଗୀତର ଓସ୍କାର ବିଜେତା ପାଇଁ ଶ୍ରେୟ ତାଙ୍କ ପତ୍ନୀଙ୍କୁ ଦେଇଛନ୍ତି । ରାମଚରଣ ଏକ ସାକ୍ଷାତକାରରେ କହିଥିଲେ, ‘ମୋ ପତ୍ନୀ ମୋ ପାଇଁ ସବୁବେଳେ ଭାଗ୍ୟବାନ ଅଟନ୍ତି । ଆଗକୁ ଆସୁଥିବା ମୋ ପିଲା ଆହୁରି ଭାଗ୍ୟବାନ ।
