ଭୁବନେଶ୍ୱର: ପୁରୀ ବାଇପାସ୍ରେ ସୋମବାର ଦିନ ଏକ ଦ୍ରୁତଗାମୀ କାର୍ ପାଖାପାଖି ୭ଟି ବାଇକ୍କୁ ଧକ୍କା ଦେଇଛି। ଫଳରେ ରାସ୍ତାରେ ହଇଚଇ ସୃଷ୍ଟି ହୋଇଥିଲା।
ସୂଚନା ଅନୁଯାୟୀ, ମଦ୍ୟପାନ କରିଥିବା ସନ୍ଦେହ କରାଯାଉଥିବା ଉକ୍ତ କାର୍ ଚାଳକ ଏକାଧିକ ଦୁଇଚକିଆ ଯାନକୁ ଧକ୍କା ଦେଇଥିଲା। ଯାହା ଫଳରେ ଲୋକମାନେ ନିଜ ଜୀବନ ବଞ୍ଚାଇବା ପାଇଁ ଏଣେତେଣେ ଦୌଡ଼ିବାକୁ ଲାଗିଥିଲେ।
ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, କାର୍ଟି ବାଇକ୍ ଗୁଡ଼ିକୁ ଧକ୍କା ଦେବା ସମୟରେ ସେଠାରେ ଭୟର ବାତାବରଣ ସୃଷ୍ଟି ହୋଇଥିଲା। ଶେଷରେ ସ୍ଥାନୀୟ ଲୋକମାନେ ଘଟଣାସ୍ଥଳରେ ଚାଳକଙ୍କୁ କାବୁ କରିବାରେ ସଫଳ ହୋଇଥିଲେ। ପୋଲିସକୁ ହସ୍ତାନ୍ତର କରିବା ପୂର୍ବରୁ ସେମାନେ ତାକୁ ନିର୍ଦ୍ଧୁମ ଛେଚିଥିବା ଜଣାପଡ଼ିଛି।
ତେବେ ଏଭଳି ଦୁର୍ଘଟଣା ବେପରୁଆ ଗାଡ଼ି ଚାଳନା ଏବଂ ମଦ୍ୟପାନ କରି ଗାଡ଼ି ଚଳାଇବା ଦ୍ୱାରା ଉପୁଜୁଥିବା ବିପଦକୁ ନେଇ ଚିନ୍ତା ବଢ଼ାଇଛି।
Comments are closed.