ଭୁବନେଶ୍ୱର: ଖୋର୍ଦ୍ଧା ବନଖଣ୍ଡରୁ ଏକ ବଜ୍ରକାପ୍ତା ଚାଲାଣ କରୁଥିବାବେଳେ ଏସଟିଏଫ୍ ଟିମ୍ ଖୋର୍ଦ୍ଧା-ଜଟଣୀ ବାଇପାସ୍ ଠାରେ ଚଢାଉ କରି ୩ଜଣଙ୍କୁ ଗିରଫ କରିଛି । ଏହା ସହିତ ଜୀବନ୍ତ ବଜ୍ରକାପ୍ତାଟିକୁ ଉଦ୍ଧାର କରିବା ସହିତ କିଛି ଆପତ୍ତିଜନକ ସାମଗ୍ରୀ ସେମାନଙ୍କଠାରୁ ଜବତ କରିଛି ଏସଟିଏଫ୍ । ଗିରଫ ତିନି ଜଣ ହେଲେ କଟକ ବଡମ୍ୱାର ସାଧୁଚରଣ ମହାନ୍ତି, ରାୟଗଡା ଚାନ୍ଦିଲିର କଷ୍ଟି କାଦ୍ରକା ଓ ବଡମ୍ୱାର ବିଜୟ କୁମାର ପରିଡା । ସେମାନଙ୍କୁ ଏସଟିଏଫ୍ ଭୁବନେଶ୍ୱର କୋର୍ଟ ଚାଲାଣ କରିବ । ବଜ୍ରକାପ୍ତାଟିକୁ ସୁରକ୍ଷିତ ଭାବେ ଖୋର୍ଦ୍ଧା ଡିଏଫଓକୁ ହସ୍ତାନ୍ତର କରାଯାଇଛି ।
Comments are closed.