କରାଚୀ: ବର୍ମିଂହାମ ରାଜ୍ୟଗୋଷ୍ଠୀ କ୍ରୀଡା ସମାପ୍ତି ପରେ ପାକିସ୍ତାନର ସମସ୍ତ ଆଥଲେଟ ସ୍ୱଦେଶ ଫେରିଥିବା ବେଳେ ୨ଜଣ ନିଖୋଜ ଅଛନ୍ତି । ଏହି ୨ ବକ୍ସରଙ୍କ ନାମ ହେଲା ସୁଲେମାନ ବଲୋଚ ଓ ନଜୀରଉଲ୍ଲା । ଏମାନେ ୟୁରୋପରେ ଲୁଚି କରି ରହିଥିବା ଅନୁମାନ କରାଯାଉଛି । ପାକିସ୍ତାନ ବକ୍ସିଂ ଫେଡେରେଶନ ଏମାନଙ୍କୁ ଖୋଜ ଖବର ଉଦ୍ୟମ ଜାରୀ ରଖିଛି । ଯେତେବେଳେ ଅନ୍ୟ ଖେଳାଳିମାନେ ବସରେ ବସିବାକୁ ଗଲେ ସେମାନଙ୍କ ପତା ମିଳି ନ ଥିଲା । ଦୁଇଜଣଙ୍କ ଟ୍ରାଭେଲ ଡକ୍ୟୁମେଂଟ ପାକିସ୍ତାନୀ ଅଫିସରଙ୍କ ପାଖରେ ରହିଛି । ଏ ସମ୍ପର୍କରେ ବ୍ରିଟେନ ସରକରଙ୍କୁ ଅଫିସିଆଲ ଜଣାଇ ଦିଆଯାଇଛି । ବର୍ମିଂହାମରେ ଏହି ଦୁଇ ବକ୍ସର ଥିବା ଅନୁମାନ କରାଯାଉଛି । ପୂର୍ବରୁ ଶ୍ରୀଲଙ୍କାର କେତେ ଜଣ ଆଥଲେଟ ନିଖୋଜ ହୋଇଥିବା ଜଣା ପଡିଥିଲା ।
Comments are closed.