ନୂଆଦିଲ୍ଲୀ: ଭୋଟର ଭେରିଫିକେସନ ପେପର ଅଡିଟ ଟ୍ରେଲ ସହ ଇଲେକ୍ଟ୍ରୋନିକ ଭୋଟିଂ ମେସିନରେ ଦିଆଯାଇଥିବା ଭୋଟର ଶତପ୍ରତିଶତ ଦାବି ମାମଲାରେ ସୁପ୍ରିମକୋର୍ଟଙ୍କ ବଡ ରାୟ । କୋର୍ଟ VVPAT ସ୍ଲିପ ଯାଞ୍ଚ ସହ ଜଡ଼ିତ ସମସ୍ତ ଆବେଦନକୁ ଖାରଜ କରିଛନ୍ତି ।
କୋର୍ଟ କହିଛନ୍ତି ଯେ, ଫଳାଫଳ ଘୋଷଣା ହେବାର ୭ ଦିନ ମଧ୍ୟରେ ପ୍ରାର୍ଥୀ ପୁନଃ-ଯାଞ୍ଚ ପାଇଁ ଦାବି କରିପାରିବେ। ଇଞ୍ଜିନିୟରମାନେ ମାଇକ୍ରୋ କଣ୍ଟ୍ରୋଲରର ମେମୋରୀ ଯାଞ୍ଚ କରିବେ । ପ୍ରାର୍ଥୀଙ୍କୁ ଏହି ଅନୁସନ୍ଧାନର ଖର୍ଚ୍ଚ ବହନ କରିବାକୁ ପଡିବ । ଯଦି ଏହା ଭୁଲ ପ୍ରମାଣିତ ହୁଏ, ତେବେ ଟଙ୍କା ଫେରସ୍ତ ହେବ ।
ଏଥିସହ ଜଷ୍ଟିସ ସଞ୍ଜୀବ ଖାନ୍ନା ଏବଂ ଜଷ୍ଟିସ ଦୀପାଙ୍କର ଦତ୍ତାଙ୍କ ପୀଠ ମଧ୍ୟ ପରାମର୍ଶ ଦେଇ ନିର୍ବାଚନ ଆୟୋଗଙ୍କୁ ଭବିଷ୍ୟତରେ ଭିଭିପାଟ୍ ସ୍ଲିପରେ ବାରକୋଡ ଉପରେ ବିଚାର କରିବାକୁ କହିଛନ୍ତି । ଏହା ବ୍ୟତୀତ ବେଞ୍ଚ ବାଲାଟ ପେପର ମାଧ୍ୟମରେ ନିର୍ବାଚନ କରାଯିବା ଦାବିକୁ ମଧ୍ୟ ଗ୍ରହଣ କରିନାହିଁ । ତେବେ ଗତ ଶୁଣାଣିରେ ସୁପ୍ରିମକୋର୍ଟ ଏହି ନିଷ୍ପତ୍ତିକୁ ସଂରକ୍ଷିତ ରଖିଥିଲେ ।
ବାସ୍ତବରେ, VVPAT ହେଉଛି ଏକ ସ୍ୱତନ୍ତ୍ର ଭୋଟ୍ ଯାଞ୍ଚ ବ୍ୟବସ୍ଥା। ଏହା ମାଧ୍ୟମରେ, ଭୋଟରମାନେ ଜାଣିପାରିବେ ଯେ ସେମାନଙ୍କ ଭୋଟ୍ ସେହି ବ୍ୟକ୍ତିଙ୍କ ନିକଟକୁ ଯାଇଛି ଯାହାଙ୍କ ପାଇଁ ସେମାନେ ଭୋଟ୍ ଦେଇଛନ୍ତି ନା ନାହିଁ ।