ନୂଆଦିଲ୍ଲୀ: ଭାରତ ଏବଂ ଉଜବେକିସ୍ତାନର ସଶସ୍ତ୍ର ବାହିନୀ ମଧ୍ୟରେ ମିଳିତ ସାମରିକ ଅଭ୍ୟାସର ପଞ୍ଚମ ସଂସ୍କରଣ ଚାଲିଛି। ଭାରତ ଏବଂ ଉଜବେକିସ୍ତାନ ମଧ୍ୟରେ ଏହି ଅଭ୍ୟାସ ବର୍ତ୍ତମାନ ଉଜବେକିସ୍ତାନର ସୁରଖଣ୍ଡାରିଓ ଅଞ୍ଚଳରେ ଥିବା ଟର୍ମେଜ୍ ଆର୍ମି ଟ୍ରେନିଂ ଅଞ୍ଚଳରେ ଚାଲିଛି। ଚଳିତ ବର୍ଷର ଅଭ୍ୟାସକୁ ଭାରତର ସେନା ମୁଖ୍ୟ ତଥା ଉଜବେକିସ୍ତାନର ଯୁଦ୍ଧ ପ୍ରଶିକ୍ଷଣ ପାଇଁ ଡେପୁଟି ପ୍ରତିରକ୍ଷା ମନ୍ତ୍ରୀ ଏପ୍ରିଲ ୧୮ ତାରିଖରେ ଉଦଘାଟନ କରିଥିଲେ। ଏହି ଅଭ୍ୟାସ ଏପ୍ରିଲ ୨୮ ତାରିଖ ପର୍ଯ୍ୟନ୍ତ ଚାଲିବ।
ଭାରତ-ଉଜବେକିସ୍ତାନର ଏହି ମିଳିତ ସାମରିକ ଅଭ୍ୟାସର ନାମ ହେଉଛି ଡଷ୍ଚଲିକ (DUSTLIK) ଯାହା ଉଜବେକିସ୍ତାନରେ ଚାଲିଛି। ଏହି ରଣନୀତିକ ସହଯୋଗର ଉଦ୍ଦେଶ୍ୟ ହେଉଛି ସାମରିକ ସହଯୋଗକୁ ମଜବୁତ କରିବା ଏବଂ ସେନାର ଆତଙ୍କବାଦ ବିରୋଧୀ କ୍ଷମତା ବୃଦ୍ଧି କରିବା। ଏହା ଉଭୟ ଦେଶର ଆତଙ୍କବାଦ ବିରୋଧୀ କ୍ଷମତାକୁ ମଜବୁତ କରିବ। ଏହା ବିଶେଷ କରି ପାହାଡ଼ିଆ ଏବଂ ଛୋଟ ସହରାଞ୍ଚଳରେ ସୈନ୍ୟବାହିନୀକୁ ଉପକୃତ କରିବ।
ଏହି ସାମରିକ ଅଭ୍ୟାସରେ ଭାରତୀୟ ଦଳରେ ମୁଖ୍ୟତଃ ଦକ୍ଷିଣ ପଶ୍ଚିମି କମାଣ୍ଡର ବାହାଦୁର ଜେଟି ରେଜିମେଣ୍ଟ ଏବଂ ଭାରତୀୟ ବାୟୁସେନାର ଅଭିଜିତ ଗାରୁଦା ସାମିଲ ଅଛନ୍ତି। ଉଜବେକିସ୍ତାନରେ ଚାଲିଥିବା ଏହି ସାମରିକ ଅଭ୍ୟାସରେ କଠିନ ଶାରୀରିକ କାର୍ଯ୍ୟକଳାପ ସୈନିକମାନଙ୍କର ପ୍ରତିରକ୍ଷା ଦକ୍ଷତା ବୃଦ୍ଧିରେ ସହାୟକ ହେବ। ଏହି ମିଳିତ ଅଭ୍ୟାସ ପାରସ୍ପରିକ ସମନ୍ୱୟ ଏବଂ ସ୍ୱତନ୍ତ୍ର ଅସ୍ତ୍ରଶସ୍ତ୍ରର ପରିଚାଳନାକୁ ବଢାଇବା ପାଇଁ ପରିକଳ୍ପନା କରାଯାଇଛି।
ଯୁଦ୍ଧ ଅଭ୍ୟାସ ସମୟରେ ସୈନିକମାନଙ୍କୁ ଛୋଟ ଦଳରେ କାମ କରିବା, କ୍ଷେତ୍ର କାର୍ଯ୍ୟକଳାପ, ଲକ୍ଷ୍ୟସ୍ଥଳ ଉପରେ ନଜର ରଖିବା ଏବଂ ଟାର୍ଟେଗକୁ ଶେଷ କରିବା ଭଳି କୌଶଳ ଶିକ୍ଷା ଦିଆଯାଉଛି। ଦୁଇ ଦେଶର ସୈନ୍ୟ ମଧ୍ୟରେ ଏପରି ସାମରିକ କାର୍ଯ୍ୟକଳାପ ଭାରତ ଏବଂ ଉଜବେକିସ୍ତାନ ମଧ୍ୟରେ ପ୍ରତିରକ୍ଷା ଭାଗିଦାରୀକୁ ମଧ୍ୟ ମଜବୁତ କରିବ। ଏହା ପୂର୍ବରୁ ୨୦୧୩ ମସିହାରେ ଭାରତ ଏବଂ ଉଜବେକିସ୍ତାନ ମଧ୍ୟରେ ୧୫ ଦିନିଆ ମିଳିତ ସାମରିକ ଅଭ୍ୟାସ ହୋଇଥିଲା। ଯେଉଁଥିରେ ମଲ୍ଟି-ଡୋମେନ୍ ଅପରେସନ୍ ସହିତ ଲଢିବା ଉପରେ ଧ୍ୟାନ ଦିଆଯାଇଥିଲା। ଏହି ୧୫ ଦିନିଆ ମିଳିତ ସାମରିକ ଅଭ୍ୟାସ ଉତ୍ତରାଖଣ୍ଡର ପିଥୋରାଗଡରେ ଏହାର ଯୁଦ୍ଧ ଶକ୍ତି ପ୍ରଦର୍ଶନ କରିବା ପରେ ଶେଷ ହୋଇଥିଲା।