ସ୍ୱାମୀ ରାମଭଦ୍ରାଚାର୍ଯ୍ୟ ଓ ଗୁଲଜାରଙ୍କୁ ଜ୍ଞାନପୀଠ ପୁରସ୍କାର, ନିଷ୍ପତ୍ତି ନେଲା ପ୍ରତିଭା ରାୟଙ୍କ ନେତୃତାଧିନ ଚୟନ କମିଟି

ନୂଆଦିଲ୍ଲୀ: ଗୀତିକାର ଗୁଲଜାର ଏବଂ ଜଗତଗୁରୁ ରାମଭଦ୍ରାଚାର୍ଯ୍ୟ ଏଥର ଜ୍ଞାନପୀଠ ପୁରସ୍କାର ପାଇବେ। ଜ୍ଞାନପୀଠ ପୁରସ୍କାର ଚୟନ କମିଟି ଉଭୟଙ୍କ ନାମ ଘୋଷଣା କରିଛି। ଉର୍ଦ୍ଦୁ ପାଇଁ ପ୍ରସିଦ୍ଧ ଗୀତିକାର ଗୁଲଜାର ଏବଂ ସଂସ୍କୃତ ପାଇଁ ଜଗତଗୁରୁ ରାମଭଦ୍ରାଚାର୍ଯ୍ୟଙ୍କୁ ୫୮ତମ ଜ୍ଞାନପୀଠ ପୁରସ୍କାର ପ୍ରଦାନ କରାଯିବ। ଭାରତୀୟ ଜନନାପିଥ ଜେନେରାଲ ମ୍ୟାନେଜର ଆର.ଏନ ତିୱାରୀ କହିଛନ୍ତି ଯେ ପ୍ରଖ୍ୟାତ କାହାଣୀକାର ତଥା ଜନ୍ନାପିଥ ପୁରସ୍କାର ପ୍ରାପ୍ତ ପ୍ରତିଭା ରାୟଙ୍କ ନେତୃତ୍ୱରେ ଚୟନ କମିଟି ଏହି ନିଷ୍ପତ୍ତି ନେଇଛି।

କିଏ ଏହି ସ୍ୱାମୀ ରାମଭଦ୍ରାଚାର୍ଯ୍ୟ
ଜନ୍ମରୁ ଦୃଷ୍ଟିଶକ୍ତି ହରାଇଥିବା ସ୍ୱାମୀ ରାମଭଦ୍ରାଚାର୍ଯ୍ୟ ଚିତ୍ରକୂଟରେ ତୁଳସୀ ପୀଠର ସଂସ୍ଥାପକ ତଥା ମୁଖ୍ୟ ରହିଆସିଛନ୍ତି। ସେ ୧୦୦ ରୁ ଅଧିକ ପୁସ୍ତକ ମଧ୍ୟ ଲେଖିସାରିଛନ୍ତି। ସେ ହନୁମାନ ଚାଲିଶାରେ ଅନେ ତୃଟି ବାହାରକରି ଚର୍ଚ୍ଚାରେ ରହିଥିଲେ। ତାଙ୍କ କହିବା ମୁତାବକ ତାଙ୍କର ଯେତିକି ଜ୍ଞାନ ରହିଛି ସେ ସବୁ କେବଳ ଶୁଣି ଶୁଣି ହାସଲ କରିଛନ୍ତି। କାରଣ ଜନ୍ମରୁ ଦୃଷ୍ଟି ଶକ୍ତି ହରାଇଥିବା ବେଳେ ତାଙ୍କ ପକ୍ଷେ ଦେଖିକରି ପଢିବା ସମ୍ଭବ ହୋଇନଥାଏ। ବାବର ମସଜିଦ ଓ ରାମମନ୍ଦିର ବିବାଦରେ ମଧ୍ୟ ତାଙ୍କ ଭୁମିକା ବେଶ ଗୁରୁତ୍ତ୍ୱପୂର୍ଣ୍ଣ ରହି ଆସିଥିଲା। କୋର୍ଟରେ ଅନେକ ବଳିଷ୍ଠ ଯୁକ୍ତି କରିଥିଲେ ସେ।

ଗୁଲଜାରଙ୍କୁ ମଧ୍ୟ ଜ୍ଞାନପୀଠ ପୁରସ୍କାର
ହିନ୍ଦୀ ଓ ଉର୍ଦ୍ଦୁର ବେଶ ପ୍ରତିଷ୍ଠିତ କବି ତଥା ଗୀତିକାର ଗୁଲଜାରଙ୍କୁ ମଧ୍ୟ ଉର୍ଦ୍ଦୁ ସାହିତ୍ୟ ପାଇଁ ଜ୍ଞାନପୀଠ ପୁରସ୍କାର ପ୍ରଦାନ କରାଯିବ। ଏହା ପୂର୍ବରୁ ୨୦୦୨ ମସିହାରେ ଉର୍ଦ୍ଦୁ ସାହିତ୍ୟ ପାଇଁ ସାହିତ୍ୟ ଏକାଡେମୀ ପୁରସ୍କାର, ୨୦୧୩ରେ ଦାଦା ସାହେବ ଫାଲକେ ପୁରସ୍କାର ଓ ୨୦୦୪ ମସିହାରେ ପଦ୍ମଭୂଷଣ ପୁରସ୍କାରରେ ସମ୍ମାନୀତ କରାଯାଇଥିଲା। ହିନ୍ଦୀ ସିନେମାରେ ଉଲ୍ଲେଖନୀୟ କାର୍ଯ୍ୟ ପାଇଁ ତାଙ୍କୁ ପାଞ୍ଚଥର ନ୍ୟାସନାଲ ଫିଲ୍ମ ଆୱାର୍ଡ ମଧ୍ୟ ମିଳିସାରିଛି