ଭୁବନେଶ୍ବର: ଆସିଲା ଋଷ ନାଗରିକଙ୍କ ପୋଷ୍ଟମର୍ଟମ ରିପୋର୍ଟ । ମିଲ୍ୟାକୋଭ ସର୍ଜେଇଙ୍କର ହୃଦଘାତରୁ ମୃତ୍ୟୁ ହୋଇଥିବା ରିପୋର୍ଟରେ ଜଣାପଡିଛି । ହୃଦଘାତ ଯୋଗୁଁ ଯନ୍ତ୍ରଣାରେ ତଳେ ପଡିଯିବାରୁ ମୁଣ୍ଡରେ ଆଘାତ ଲାଗି ମୃତ୍ୟୁ ହୋଇଥିବା ଜଣାପଡିଛି ।
ମୃତ ଚିଫ୍ ଇଞ୍ଜିନିୟର ମିଲ୍ୟାକୋଭ ସର୍ଜେଇଙ୍କ ମୃତଦେହ ଏବେବି ବନ୍ଦର ଡାକ୍ତରଖାନାର ଫ୍ରିଜରରେ ରହିଛି । ଜାନୁୟାରୀ ୩ ତାରିଖରେ ଏମ.ଭି ଅଲଦାନା ଜାହାଜରେ ଋଷ ନାଗରିକ ମିଲ୍ୟାକୋଭଙ୍କ ମୃତ୍ୟୁ ହୋଇଥିଲା ।
ଓଡିଶାରେ ତିନି ଋଷ ନାଗରୀକଙ୍କ ମୃତ୍ୟୁକୁ ନେଇ ସମଗ୍ର ବିଶ୍ୱରେ ଆଲୋଡନ ସୃଷ୍ଟି ହୋଇଛି। ଗୋଟେପଟେ ଋଷ–ୟୁକ୍ରେନ୍ ଯୁଦ୍ଧ ଚାଲିଥିବାବେଳେ ଅନ୍ୟପଟେ ଋଷୀୟ ନାଗରିକଙ୍କ ସନ୍ଦିଗ୍ଧ ଅବସ୍ଥାରେ ମୃତ୍ୟୁ ଘଟିବା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି ।
ତେବେ ରାୟଗଡ଼ାର ଏକ ହୋଟଲରେ ଦୁଇ ଜଣଙ୍କ ମୃତଦେହ ମିଳିଥିବାବେଳେ ତାହାର କିଛିଦିନ ପରେ ଅନ୍ୟ ଜଣେ ନାଗରୀକଙ୍କ ମୃତଦେହ ଏକ ଜାହାଜରୁ ମିଳିଥିଲା । ଯାହା ବତ୍ତର୍ମାନ ସମସ୍ତଙ୍କ ସନ୍ଦେହକୁ ଦ୍ବିଗୁଣିତ କରିଦେଉଛି ।
